اقتوبەدە ءبىر كۇندە ەكى ءبۇلدىرشىن تەرەزەدەن قۇلاپ كەتتى. بۇل تۋرالى وبلىستىق پوليتسيا دەپارتامەنتىنىڭ مالىمدەدى، دەپ حابارلايدى “ادىرنا”.
مالىمەت بويىنشا، وقىس وقيعا 27 مامىر كۇنى اقتوبە وبلىسىنداعى كوپقاباتتى ۇيلەردىڭ بىرىندە بولعان. العا قالاسىندا 5 جاسار بالا ەكىنشى قاباتتان قۇلاپ، اۋىر جاعدايدا اۋرۋحاناعا جاتقىزىلدى.
ەكىنشى جاعدايدا، وبلىس ورتالىعىندا 3 جاسار بالا دا ەكىنشى قاباتتان قۇلاپ جاراقات الىپ، اۋرۋحانادا جاتىر.
«اقتوبە وبلىسىنىڭ پوليتسيا دەپارتامەنتى اتا-انالار مەن قامقورشىلارعا وسىنداي وقيعالاردىڭ الدىن الۋ ءۇشىن قاۋىپسىزدىك شارالارىن ساقتاۋ قاجەتتىگىن ەسكەرتەدى»، - دەلىنگەن وبلىستىق پد حابارلاماسىندا.
ەسكە سالساق، بۇعان دەيىن قازاقستاندا بالالاردىڭ تەرەزەدەن قۇلاۋى بۇرىنعىدان جيىلەپ كەتكەنىن، تەرەزەگە تەمىر تور ورناتۋدى پاتەردەن پاتەرگە اۋىسىپ جۇرگەن ادامداردىڭ قالتاسى كوتەرە بەرمەيتىنىن جازدىق. سونىمەن قاتار، اتا-انالاردىڭ جەتكىلىكتى كوڭىل بولمەگەنىنەن بالالاردىڭ تەرەزەدەن قۇلاۋى جيىلەگەنىن حابارلادىق.
ۇقساس جاڭالىقتار
