اقتوبەدە مەكتەپ ورتەندى

2064
Adyrna.kz Telegram
فوتو: تجد
فوتو: تجد

اقتوبە قالاسىندا №23 ورتا مەكتەپ-ليتسەيىنەن ءورت شىقتى. مەكتەپتەگى 900-دەن استام وقۋشى مەن مۇعالىم ەۆاكۋتسيالاندى. بۇل تۋرالى وبلىستىق تجد ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.

اقپارات بويىنشا، وقيعا بۇگىن ساعات 08:01-دە تىركەلگەن.

112 قۇتقارۋ قىزمەتىنە اقتوبە قالاسى استانا اۋدانىنىڭ ساتپاەۆ كوشەسىندە ورنالاسقان №23 ورتا مەكتەپ-ليتسەيىندە ءورت شىققانى تۋرالى حابار تۇسكەن.

شاقىرتۋ ورنىنا جەدەل تۇردە 53 قۇتقارۋشى مەن 14 تەحنيكا جىبەرىلدى.

«شاقىرتۋ ورنىنا قۇتقارۋشىلار جەتكەن كەزدە 1-قاباتتا ورنالاسقان كابينەتتىڭ جانىپ جاتقانى انىقتالدى. قۇتقارۋشىلاردىڭ جەدەل ارەكەتىنىڭ ارقاسىندا مەكتەپ-ليتسەيدەن 890 وقۋشى جانە 60 مۇعالىم ەۆۋاكاتسيالاندى. زارداپ شەككەندەر جوق. ءورت ساعات 08:12-دە تولىقتاي ءسوندىرىلدى. ءورت ەلەكتر سىمىنىڭ قىسقا تۇيىقتالۋىنان شىعۋى مۇمكىن. اقتوبە وبلىسى تجد ءورت قاۋىپسىزدىك ەرەجەلەرىن قاتاڭ ساقتاۋدى ەسكەرتەدى»،- دەدى دەپارتامەنتتەن.

تجد تۇرعىندارعا قىسقا تۇيىقتالۋعا جول بەرمەۋ ەرەجەسىن قاتاڭ ساقتاۋدى ەسكەرتتى.

«روزەتكالاردى ەلەكتر قۇرىلعىلارىمەن تولتىرماعان ءجون. ەلەكتر جەلىسىنە شامادان تىس جۇك تۇسسە، اۆتوماتتى ءوشىرۋ قۇرىلعىسى ماڭىزدى ءرول اتقارادى. ۇيدە جوندەۋ جانە شارۋاشىلىق جۇمىستارىن مۇقيات جۇرگىزىڭىز»،- دەپ ەسكەرتتى وبلىستىق تجد ءباسپاسوز قىزمەتى.

پىكىرلەر