گازا سەكتورىنىڭ وڭتۇستىگىندەگى تۋننەلدەن حاماس پالەستينالىق قوزعالىسىنىڭ جەتەكشىسى مۇحامماد سينۆار مەن ونىڭ ون كومەكشىسىنىڭ مايىتتەرى تابىلدى، دەپ حابارلايدى "ادىرنا" ۇلتتىق پورتالى Al Arabiya-عا سىلتەمە جاساپ.
ءيزرايلدىڭ قورعانىس ءمينيسترى يواۆ گالانتتىڭ ايتۋىنشا، ونىڭ ءولىمى رەسمي تۇردە راستالماعانىمەن، بارلىق بەلگىلەر سوعان نۇسقايدى.
دەرەككوزدەردىڭ مالىمەتىنشە، حاماس باسشىسى بىرنەشە كۇن بۇرىن حان-ءيۋنيستىڭ شىعىسىنداعى ەۋروپالىق اۋرۋحانا ماڭىندا جاسالعان ءيزرايلدىڭ اۋە شابۋىلدارىنىڭ ناتيجەسىندە قازا تاپقان بولۋى مۇمكىن. قاۋىپسىزدىك قىزمەتى حاماس باسشىسىنىڭ راسىمەن سول جەردە بولعان-بولماعانىن انىقتاۋ ءۇشىن مالىمەتتەر جيناۋدى جالعاستىرۋدا.
جاسى شامامەن 50-دەگى مۇحامماد سينۆار — حاماس قوزعالىسىنىڭ بۇرىنعى باسشىسى ياحيا سينۆاردىڭ كىشى ءىنىسى. مۇحامماد اعاسى قازا تاپقاننان كەيىن 2025 جىلدىڭ قاڭتارىندا حاماس-تىڭ جاڭا جەتەكشىسى بولىپ جاريالاندى.
بۇرىنعى باسشى 2024 جىلدىڭ قازان ايىندا گازا سەكتورىنىڭ وڭتۇستىگىندە يزرايل ارمياسىمەن بولعان اتىستا قازا تاپقان بولاتىن.
