Gaza sektorynyŋ oŋtüstıgındegı tunnelden HAMAS palestinalyq qozǧalysynyŋ jetekşısı Mūhammad Sinvar men onyŋ on kömekşısınıŋ mäiıtterı tabyldy, dep habarlaidy "Adyrna" ūlttyq portaly Al Arabiya-ǧa sılteme jasap.
İzraildıŋ qorǧanys ministrı Ioav Galanttyŋ aituynşa, onyŋ ölımı resmi türde rastalmaǧanymen, barlyq belgıler soǧan nūsqaidy.
Derekközderdıŋ mälımetınşe, HAMAS basşysy bırneşe kün būryn Han-Iýnistıŋ şyǧysyndaǧy Europalyq auruhana maŋynda jasalǧan İzraildıŋ äue şabuyldarynyŋ nätijesınde qaza tapqan boluy mümkın. Qauıpsızdık qyzmetı HAMAS basşysynyŋ rasymen sol jerde bolǧan-bolmaǧanyn anyqtau üşın mälımetter jinaudy jalǧastyruda.
Jasy şamamen 50-degı Mūhammad Sinvar — HAMAS qozǧalysynyŋ būrynǧy basşysy Iаhia Sinvardyŋ kışı ınısı. Mūhammad aǧasy qaza tapqannan keiın 2025 jyldyŋ qaŋtarynda HAMAS-tyŋ jaŋa jetekşısı bolyp jariialandy.
Būrynǧy basşy 2024 jyldyŋ qazan aiynda Gaza sektorynyŋ oŋtüstıgınde İzrail armiiasymen bolǧan atysta qaza tapqan bolatyn.
