حاماس توبى يزرايلگە تاعى ءبىر قازا تاپقان تۇتقىننىڭ دەنەسىن قايتاردى، دەپ حابارلايدى "ادىرنا" ۇلتتىق پورتالى DW اگەنتتىگىنە سىلتەمە جاساپ.
ءمايىت قىزىل كرەست حالىقارالىق كوميتەتى وكىلدەرى ارقىلى گازا سەكتورىنداعى يزرايلدىك اسكەريلەرگە تابىستالدى.
بۇعان دەيىنگى ءبىتىم كەلىسىمىنە سايكەس، حاماس يزرايلگە 27 قازا تاپقان تۇتقىننىڭ دەنەسىن قايتارىپ، 20 ءتىرى تۇتقىندى بوساتۋى ءتيىس ەدى. الايدا بەلگىلەنگەن مەرزىم — 16 قازانعا دەيىن يزرايل تەك توعىز تابىت العان.
ۇيىم وكىلدەرى ءوز مىندەتتەرىن ورىنداعاندارىن ايتىپ، قالعان مايىتتەردى الۋ ءۇشىن ارنايى تەحنيكا قاجەت ەكەنىن جەتكىزدى.
وسىعان بايلانىستى ءيزرايلدىڭ قورعانىس ءمينيسترى يسراەل كاتس ەسكەرتۋ جاساپ، ەگەر حاماس كەلىسىم شارتتارىن تولىق ورىنداماسا، اقش-پەن بىرلەسىپ گازا سەكتورىنداعى اسكەري وپەراتسيانى قايتا باستايتىنىن مالىمدەدى.
ايتا كەتەيىك، اتىستى توقتاتۋ رەجيمى 10 قازاندا كۇشىنە ەنگەن. 20 تارماقتان تۇراتىن بەيبىت جوسپار بويىنشا تۇتقىندار الماسقان سوڭ، تاراپتار پالەستين-يزرايل قاقتىعىسىن تۇبەگەيلى رەتتەۋ جونىندەگى جاڭا كەلىسسوزدەردى باستاۋى ءتيىس.
