قازاقستاننىڭ بۇرىنعى ءبىرىنشى حانىمى سارا نازارباەۆانىڭ دەنساۋلىعى ناشارلاعان. بۇل تۋرالى Ulysmedia.kz جازدى، دەپ حابارلايدى «ادىرنا» ءتىلشىسى.
«قازاقستاننىڭ تۇڭعىش پرەزيدەنتىنىڭ وتباسى شەڭبەرىنە جاقىن دەرەككوزدىڭ مالىمەتىنشە، بۇرىنعى مەملەكەت باسشىسىنىڭ زايىبى سارا الپىسقىزىنىڭ جاعدايى اۋىر، ال دارىگەرلەر ونىڭ ءومىرىن ساقتاپ قالۋعا دارمەنسىز»،—دەپ جازدى باق.
سارا الپىسقىزى 1941 جىلدىڭ اقپانىندا قاراعاندى وبلىسىندا دۇنيەگە كەلگەن. 1962 جىلى نۇرسۇلتان نازارباەۆپەن وتاۋ قۇرعان. كەيىن ول «بوبەك» حالىقارالىق بالالار قايىرىمدىلىق قورىن، «SOS – قازاقستاننىڭ بالالار اۋىلدارى» قورىن قۇردى جانە ەلىمىزدىڭ ءبىلىم بەرۋ جۇيەسىنە وزگەرىستەر ەنگىزۋگە تىرىستى. ونىڭ باستاماسىمەن مەكتەپتەردە ءوزىن-ءوزى تانۋ ءپانى ەنگىزىلدى. الايدا بۇل يدەيا كەيىننەن توقتاتىلدى.
ەسكە سالايىق، بىلتىر دا الەۋمەتتىك جەلىدە سارا نازارباەۆانىڭ قايتىس بولعانى تۋرالى اقپارات تاراعان بولاتىن. الايدا نۇرسۇلتان نازارباەۆتىڭ كەڭەسشىسى ءارى ءباسپاسوز حاتشىسى ايدوس ۇكىباي بۇل حاباردى جوققا شىعاردى. 2023 جىلدىڭ جەلتوقسانىندا جارىق كورگەن مەمۋارلارىندا بۇرىنعى پرەزيدەنت سارا الپىسقىزىنان باسقا ايەلى بار ەكەنىن مويىنداعان.ۇقساس جاڭالىقتار
