Qazaqstannyŋ būrynǧy bırınşı hanymy Sara Nazarbaevanyŋ densaulyǧy naşarlaǧan. Būl turaly Ulysmedia.kz jazdy, dep habarlaidy «Adyrna» tılşısı.
«Qazaqstannyŋ tūŋǧyş prezidentınıŋ otbasy şeŋberıne jaqyn derekközdıŋ mälımetınşe, būrynǧy memleket basşysynyŋ zaiyby Sara Alpysqyzynyŋ jaǧdaiy auyr, al därıgerler onyŋ ömırın saqtap qaluǧa därmensız»,—dep jazdy BAQ.
Sara Alpysqyzy 1941 jyldyŋ aqpanynda Qaraǧandy oblysynda düniege kelgen. 1962 jyly Nūrsūltan Nazarbaevpen otau qūrǧan. Keiın ol «Böbek» halyqaralyq balalar qaiyrymdylyq qoryn, «SOS – Qazaqstannyŋ balalar auyldary» qoryn qūrdy jäne elımızdıŋ bılım beru jüiesıne özgerıster engızuge tyrysty. Onyŋ bastamasymen mektepterde özın-özı tanu pänı engızıldı. Alaida būl ideia keiınnen toqtatyldy.
Eske salaiyq, byltyr da äleumettık jelıde Sara Nazarbaevanyŋ qaitys bolǧany turaly aqparat taraǧan bolatyn. Alaida Nūrsūltan Nazarbaevtyŋ keŋesşısı ärı baspasöz hatşysy Aidos Ükıbai būl habardy joqqa şyǧardy. 2023 jyldyŋ jeltoqsanynda jaryq körgen memuarlarynda būrynǧy prezident Sara Alpysqyzynan basqa äielı bar ekenın moiyndaǧan.Ūqsas jaŋalyqtar
