كەشەلى بەرى ەلىمىزدىڭ تۇڭعىش پرەزيدەنتى نۇرسۇلتان نازارباەۆ كەزەكتى كىتابىندا ەكىنشى وتباسى بولعانىن اشىپ ايتىپ، اعىنىنان اقتارىلدى" دەگەن ء"سۇيىنشى" حاباردان بەلىمىز قايىسىپ تۇر.
بۇل دەرەك قوعام ءۇشىن ابدەن تالقىلانعان اقجەمدەنىپ كەتكەن تاقىرىپ: بىراق تانىس بولسا دا ماسەلەنى قايتا كوتەرۋىنىڭ ەكى ءتۇرلى سەبەبى بار. العاشقىسى - مۇراگەرى كىم دەگەن ماسەلەنى ءۇش قىزدىڭ الدىندا اشىپ العىسى كەلەدى: باسقاشا ايتقاندا بايلىعىم سەندەرگە دە، ۇلدارىما دا جەتەدى دەگەن "نامەك", ەرتەڭ اتقا قوناتىن ۇلدارىم بار دەپ قوعامعا قىر كورسەتىپ وتىر. ال ەكىنشى سەبەبى توقالى بارىن اشىپ ايتتى، توقالداردىڭ داۋرەنى ءجۇرىپ تۇرعان زاماندا سەنىم دەپوزيتىنىڭ پايىزىن كوتەرىپ العىسى كەلدى...
مۇنىڭ ءبارى ساياسي ، بىراق وتە ارزان شوۋ، وتە ارزان پيار حود. بۇرىنعى پرەزيدەنتىمىز بۇرىننان ايتىلىپ كەلە جاتقان توقالى تۋرالى وسەكتى - لەگاليزاتسيالادى.
قوعامنىڭ نازارباەۆتان كۇتەتىن جاۋابى بۇل ەمەس ەدى. باسقا.
ول نەگە 30 جىل بويى قولدانىستاعى زاڭدى ءوزىن قورشاعان وليگارحتاردىڭ، وتباسىنىڭ ىڭعايىنا بەيىمدەدى، قىزدارىنا، تۋىستارىنا "قازاقستاننىڭ استى-ۇستىنىڭ"بايلىعىنىڭ يەسى ءبىزبىز " دەگەن كوزقاراستىڭ قالىپتاسۋىنا حالىقتىڭ كوز جاسى مەن قانى ەسەبىنەن نەگە جول بەرىپ الدى؟..
ول نەگە 20 ملن حالقى بار قازاق ەلىن ساياسي امبيتسياسىنىڭ تۇتقىنىنا اينالدىردى؟..
30 جىلدا نەگە مەملەكەتشىل-ۇلتشىلدىق باعىتتاعى ۇكىمەت قۇرامىن نەگە قالىپاستىرا المادى، نەگە ءبىز جەمقورلار بيلەپ-توستەگەن قازاقستانعا اينالدىق؟..
جەكە باسقا تابىنۋ سيندرومىنىڭ ەل كولەمىندە جايىلىپ كەتۋىنە نەگە جول بەردى؟
ول نەگە قازىرگى پرەزيدەنتىمىز توقاەۆقا تونالعان، تاس تاپقانى شىققان قازاقستاندى قالدىرىپ، جانىم تىنىش، شارۋام تۇگەل دەپ ايتادى
كوڭىلدە "نەگە؟ " "نەگە" دەگەن كوپ ساۋالعا جاۋاپ بەرۋگە تۇڭعىش پرەزيدەنتىمىزدىڭ ءومىرى جەتسە ەكەن دەپ قۇدايدان تىلەيمىن،. بۇل وعان حالقى الدىندا تازارۋ ءۇشىن، ارىلۋ ءۇشىن، ونىڭ ەسىمى تاريحتا جاقسى اتپەن قالۋى ءۇشىن كەرەك.
