30 ساۋىردە ۆاشينگتون مەن كيەۆ بىرلەسكەن پايدالى قازبالار جانە ۋكراينانى قالپىنا كەلتىرۋ ءۇشىن ينۆەستيتسيالىق قور قۇرۋ تۋرالى كەلىسىمگە قول قويدى. بۇل تۋرالى اقش قارجى ءمينيسترى سكوتت بەسسەنت ايتتى، دەپ حابارلايدى «ادىرنا» ءتىلشىسى.
«بۇل ەكونوميكالىق ىنتىماقتاستىق ەكى ەلگە ورتاق رەسۋرستاردى، مۇمكىندىكتەردى پايدالانا وتىرىپ، ۋكراينانىڭ ەكونوميكالىق تۇرعىدان قالپىنا كەلۋىن جەدەلدەتۋگە ۇلەس قوسادى»،—دەدى ول.
كەلىسىمگە ساي، ۋكراينا بۇكىل رەسۋرستى باقىلاۋ قۇقىعىن ساقتاپ قالادى. ال ەكى ەل قوردى تەڭدەي باسقارادى. قۇجاتتا ۋكراينانىڭ قارىزدى قايتارۋى تۋرالى ءسوز جوق.
قور ۋكراينانىڭ دامۋىنا 10 جىل بويى ينۆەستيتسيا قۇيۋمەن اينالىسپاق. ۋكراين پرەمەرىنىڭ ايتۋىنشا، كەلىسىم ۋكراينانىڭ ەۋرووداققا كىرۋىنە كەدەرگى كەلتىرمەيدى.
ەسكە سالا كەتەيىك، 24 ناۋرىزدا اقش پرەزيدەنتى دونالد ترامپ امەريكا اكىمشىلىگى مەن ۋكراينا بيلىگى سيرەك كەزدەسەتىن جەر ەلەمەنتتەرى بويىنشا كەلىسىم جوباسىن اياقتاپ قالعانىن جانە وعان جاقىن ارادا قول قويىلاتىنىن مالىمدەگەن ەدى. ال 12 ساۋىردە ۋكراينا مەن اقش مينەرالدار جونىندەگى كەلىسىم بويىنشا ۆاشينگتوندا كەلىسسوزدەر وتكىزگەنى بەلگىلى بولدى.
