الماتى-بىشكەك اۆتوجولىندا جول قوزعالىسى قاعيدالارىن بۇزۋشىلىقتى اۆتوماتتى تۇردە تىركەيتىن بەينەباقىلاۋ كامەرالارى جۇمىس ىستەپ تۇر. بۇل تۋرالى وڭىرلىك پوليتسيا مالىمدەدى، دەپ حابارلايدى «ادىرنا» ءتىلشىسى.
ستاتسيونارلىق كامەرالاردان بولەك، جولدىڭ جەكەلەگەن بولىكتەرىندە كولىكتىڭ ورتاشا جىلدامدىعىن باقىلاۋ جۇيەسى ەنگىزىلگەن. اتالعان جۇيە كامەرالار ورناتىلعان نۇكتەلەردەگى جىلدامدىقتى عانا ەمەس، سونىمەن قاتار جولدىڭ بەلگىلى ءبىر ارالىعىندا كولىكتىڭ ءجۇرىپ وتكەن ۋاقىتىن ەسەپتەپ، ورتاشا جىلدامدىقتى انىقتايدى. ەگەر كولىك باقىلاۋ ايماعىن بەلگىلەنگەن نورماتيۆتەن قىسقا ۋاقىتتا ەڭسەرسە، جىلدامدىق اسىرۋ فاكتىسى تىركەلەدى.
پوليتسيا وكىلدەرىنىڭ ايتۋىنشا، بۇل شارا جول-كولىك وقيعالارىنىڭ كوبەيۋىنە بايلانىستى قابىلدانىپ وتىر جانە جول قاۋىپسىزدىگىن ارتتىرۋعا، اپات سانىن ازايتۋعا باعىتتالعان.
الداعى ۋاقىتتا مۇنداي باقىلاۋ جۇيەلەرىن ەلدىڭ باسقا دا رەسپۋبليكالىق اۆتوجولدارىندا كەزەڭ-كەزەڭىمەن ەنگىزۋ جوسپارلانىپ وتىر.
قۇقىق قورعاۋ ورگاندارى جۇرگىزۋشىلەردى جىلدامدىق رەجيمىن ساقتاۋعا، جول قوزعالىسى ەرەجەلەرىن قاتاڭ ۇستانۋعا جانە جولدا مۇقيات بولۋعا شاقىردى.
