قازاقستان ۇلتتىق بانكى 2025 جىلعى 25 جەلتوقساننان باستاپ جاڭا ديزاينداعى نومينالى 500 تەڭگەلىك بانكنوتتاردى اينالىمعا ەنگىزدى، دەپ حابارلايدى "ادىرنا" ۇلتتىق پورتالى.
ۇلتتىق بانكتىڭ مالىمەتىنشە، جاڭا بانكنوتا «ساق ءستيلى» سەرياسىمەن شىققان بەسىنشى اقشا بەلگىسى بولىپ سانالادى.
ديزايندا كوشپەندىلەر مادەنيەتى مەن بۇگىنگى قازاقستاننىڭ بىرەگەي مۇراسى كورىنىس تاۋىپ، ءداستۇرلى قازاق ويۋ-ورنەگىنىڭ باستاۋىندا تۇرعان «ساق ءستيلى» ەلەمەنتتەرى قولدانىلعان.
جاڭا بانكنوت جاپپاي قولدانىسقا 2026 جىلدىڭ ەكىنشى توقسانىندا ەنگىزىلەدى. ۇلتتىق بانك اقشانى ەلىمىزدىڭ بارلىق وڭىرىنە جەتكىزۋ، سونداي-اق بانكوماتتار مەن تەرمينالداردى جانە باسقا دا كاسسالىق جابدىقتاردى بەيىمدەۋ ءۇشىن قوسىمشا ۋاقىت قاجەت ەكەنىن اتاپ ءوتتى.
جاڭا 500 تەڭگەلىك بانكنوتتىڭ نەگىزگى ءتۇسى – كوك. بانكنوتتىڭ بەت جاعىندا كوكتە قالىقتاعان قۇسى بار «بايتەرەك» بۇتاعى بەينەلەنگەن.
بۇل – ەسىك قورعانىنان تابىلعان التىن ادامنىڭ باس كيىمىندەگى اشەكەيدىڭ ەلەمەنتى. سونداي-اق دنق ءسپيرالى مەن ادامنىڭ تابيعاتپەن بايلانىسىن بىلدىرەتىن شەكسىزدىك سيمۆولى جانە بەرەل قورعانىنان تابىلعان ارقار باسى تۇرىندەگى اشەكەي فراگمەنتى ورنالاستىرىلعان.
ۇلتتىق بانكتىڭ حابارلاۋىنشا، جاڭا 500 تەڭگەلىك بانكنوتتار 2017 جىلعى ۇلگىدەگى بانكنوتتارمەن قاتار ەكى جىل بويى اينالىمدا بولادى.
