بۇگىن، 21 ساۋىردە 88 جاستاعى ريم پاپاسى فرانتسيسك ۆاتيكانداعى رەزيدەنتسياسىندا قايتىس بولدى. قايعىلى حاباردى كاردينال كەۆين فاررەلل جەتكىزدى، دەپ حابارلايدى «ادىرنا» ءتىلشىسى.
«بۇگىن تاڭعى ساعات 7:35-تە ريم ەپيسكوپى پاپا فرانتسيسك ۇيىنە اتتاندى. ونىڭ بۇكىل ءومىرى جاراتقان يەگە جانە شىركەۋگە قىزمەت ەتۋگە ارنالدى»، – دەدى ول.
اقپان ايىنىڭ ورتاسىندا ريم پاپاسى ءبرونحيتتى ەمدەۋ ءۇشىن ريمدەگى گەمەللي اۋرۋحاناسىنا جاتقان ەدى. كەيىن دەنساۋلىعى ناشارلاپ، پنەۆمونيا انىقتالعان. ونى بىرنەشە رەت جاساندى تىنىس الۋ اپپاراتىنا قوسقان.
ايتا كەتەيىك، فرانتسيسك ريم پاپاسى بولىپ 2013 جىلى ناۋرىزدا سايلاندى. ول دەنساۋلىعىنا بايلانىستى تاقتان تۇسكەن XVI بەنەديكتتى الماستىردى.
