Bügın, 21 säuırde 88 jastaǧy Rim Papasy Fransisk Vatikandaǧy rezidensiiasynda qaitys boldy. Qaiǧyly habardy Kardinal Kevin Farrell jetkızdı, dep habarlaidy «Adyrna» tılşısı.
«Bügın taŋǧy saǧat 7:35-te Rim episkopy Papa Fransisk üiıne attandy. Onyŋ bükıl ömırı Jaratqan İege jäne Şırkeuge qyzmet etuge arnaldy», – dedı ol.
Aqpan aiynyŋ ortasynda Rim Papasy bronhittı emdeu üşın Rimdegı Gemelli auruhanasyna jatqan edı. Keiın densaulyǧy naşarlap, pnevmoniia anyqtalǧan. Ony bırneşe ret jasandy tynys alu apparatyna qosqan.
Aita keteiık, Fransisk Rim papasy bolyp 2013 jyly nauryzda sailandy. Ol densaulyǧyna bailanysty taqtan tüsken XVI Benedikttı almastyrdy.
