رەسەي مەملەكەتتىك دۋماسى رەسەي مەن يران اراسىنداعى جان-جاقتى ستراتەگيالىق ارىپتەستىك تۋرالى قاڭتاردا قول قويىلعان كەلىسىمدى رەسمي تۇردە راتيفيكاتسيالادى، دەپ حابارلايدى “ادىرنا” ۇلتتىق پورتالى.
كەلىسىم قاۋىپسىزدىك، قورعانىس، حالىقارالىق ساياسات، ەكونوميكا جانە قارجى سالالارىندا تىعىز ىنتىماقتاستىقتى كوزدەيدى. قۇجاتتا ەكى ەلدىڭ اسكەري-تەحنيكالىق سالادا، بارلاۋ جانە قاۋىپسىزدىك قىزمەتتەرى اياسىندا جەكە كەلىسىمدەر نەگىزىندە ءوزارا ارەكەتتەسەتىنى اتاپ كورسەتىلگەن.
سونىمەن قاتار، كەلىسىمدە ءۇشىنشى ءبىر مەملەكەتتىڭ ءبىر تاراپقا قارسى اسكەري اگرەسسياسى بولعان جاعدايدا، ەكىنشى تاراپ اگرەسسورعا كومەك كورسەتپەۋگە جانە جاعدايدى بۇۇ جارعىسى مەن حالىقارالىق نورمالار نەگىزىندە رەتتەۋگە جاردەمدەسۋگە مىندەتتەلەدى.
تاراپتار كاسپي ءوڭىرى، ورتالىق ازيا، وڭتۇستىك كاۆكاز جانە تاياۋ شىعىستا بەيبىتشىلىك پەن تۇراقتىلىقتى نىعايتۋعا، بۇل ايماقتاردا ءۇشىنشى مەملەكەتتەردىڭ ارالاسۋىنا جول بەرمەۋگە ۋاعدالاستى.
ساۋدا-ەكونوميكالىق سالادا تاراپتار ۇلتتىق ۆاليۋتالارمەن ەسەپ ايىرىساتىن تولەم ينفراقۇرىلىمىن دامىتۋدى، تىكەلەي بانكارالىق بايلانىستى نىعايتۋدى جانە ۇلتتىق قارجى ونىمدەرىن كەڭەيتۋدى كوزدەيدى.
