مەملەكەت باسشىسى قاسىم-جومارت توقاەۆ انكارادا ءوتىپ جاتقان تۇركى مەملەكەتتەرى ۇيىمىنىڭ 13-سامميتىندە سويلەگەن سوزىندە «تۇركى مەملەكەتتەرى ۇيىمى +» فورماتىنا رەسەيدى قوسۋدى ۇسىندى، دەپ حابارلايدى "ادىرنا".
“ۇيىمىمىزدىڭ بەدەلىن ارتتىرۋ ءۇشىن رەسەيدىڭ نيەتىنە وڭ پىكىرىمىزدى ءبىلدىرىپ، بۇل ەلدى وسى فورماتقا قوسىلۋعا نەمەسە ۇيىمعا باقىلاۋشى رەتىندە قاتىسۋعا شاقىرساق، دۇرىس ءارى ادىلەتتى شەشىم بولار ەدى. ويتكەنى رەسەي ءىرى مەملەكەت رەتىندە كونە زاماننان بەرى تۇركى الەمىمەن تىعىز بايلانىستا بولعان. بۇل ەلدە تاريحي مەكەنىن تاپقان تۇركى حالىقتارى كوپ. قازىرگى تاڭدا رەسەي «التاي ءوڭىرى – تۇركى وركەنيەتىنىڭ التىن بەسىگى» دەگەن تۇجىرىمدامانى دارىپتەۋدە. قازاقستان بۇل تۇجىرىمدامانى قولدايدى. ورىس تىلىندە تۇركى تىلدەرىنەن تامىر تارتاتىن سوزدەر دە از ەمەس. جالپى، رەسەي تۇركى ەلدەرىنىڭ، ياعني ءبىزدىڭ ۇيىمنىڭ ءبىر بولىگى بولسا، بارىمىزگە پايداسىن تيگىزەر ەدى", – دەدى مەملەكەت باسشىسى.
رەسەي جاعى ازىرگە بۇل تۋرالى ارقانداي ءبىر رەاكتسيا بىلدىرمەدى.
