الماتى وبلىسىندا تابيعاتتى قورعاۋ ينسپەكتورى مەن ەر ادامنىڭ اراسىنداعى جانجال اتىسپەن اياقتالدى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
وقيعا ورنىنان تۇسىرىلگەن ۆيدەو الەۋمەتتىك جەلىلەردە تارالىپ، قوعامدا ۇلكەن رەزونانس تۋدىردى.
ۆيدەودا باسىنا كاپيۋشون كيگەن ەر ادام مەن قولىندا مىلتىعى بار ينسپەكتور وت جانىندا ءبىر-بىرىمەن داۋلاسقانى كورىنەدى. ءبىر ساتتە تابيعاتتى قورعاۋ ينسپەكتورى مىلتىعىن وقتاپ، قارسىلاسىنىڭ اياعىنا جاقىن قاشىقتىقتان وق اتىپ جىبەرەدى. زارداپ شەككەن ەر ادام جەرگە قۇلاپ، اياعىن ۇستاپ، اۋىرسىنعان داۋىسپەن ايقايلايدى.
الدىن الا مالىمەت بويىنشا، جانجالدىڭ تۋىنداۋىنا سەبەپ — وت جاققان جاعداي بولعان.
الماتى وبلىستىق پوليتسيا دەپارتامەنتى وقيعاعا قاتىستى پىكىر ءبىلدىرىپ، كۇدىكتىنىڭ ۇستالعانىن جانە ۋاقىتشا ۇستاۋ يزولياتورىنا قامالعانىن حابارلادى.
"قاساقانا ورتا دارەجەدەگى دەنە جاراقاتىن كەلتىرۋ فاكتىسى بويىنشا سوتقا دەيىنگى تەرگەۋ باستالدى. الدىن الا دەرەكتەرگە سايكەس، جانجال ەكى تاراپ اراسىنداعى بۇرىننان كەلە جاتقان ارازدىقتىڭ سالدارىنان تۋىنداعان", – دەپ مالىمدەدى پوليتسيا وكىلدەرى.
قازىرگى تاڭدا ءىستىڭ بارلىق ءمان-جايىن انىقتاۋ ءۇشىن جان-جاقتى تەرگەۋ امالدارى جۇرگىزىلىپ جاتىر.
ۇقساس جاڭالىقتار
