Almaty oblysynda tabıǵatty qorǵaý ınspektory men er adamnyń arasyndaǵy janjal atyspen aıaqtaldy, dep habarlaıdy "Adyrna" ulttyq portaly Tengrinews.kz-ke siltep.
Oqıǵa ornynan túsirilgen vıdeo áleýmettik jelilerde taralyp, qoǵamda úlken rezonans týdyrdy.
Vıdeoda basyna kapıýshon kıgen er adam men qolynda myltyǵy bar ınspektor ot janynda bir-birimen daýlasqany kórinedi. Bir sátte tabıǵatty qorǵaý ınspektory myltyǵyn oqtap, qarsylasynyń aıaǵyna jaqyn qashyqtyqtan oq atyp jiberedi. Zardap shekken er adam jerge qulap, aıaǵyn ustap, aýyrsynǵan daýyspen aıqaılaıdy.
Aldyn ala málimet boıynsha, janjaldyń týyndaýyna sebep — ot jaqqan jaǵdaı bolǵan.
Almaty oblystyq polıııa departamenti oqıǵaǵa qatysty pikir bildirip, kúdiktiniń ustalǵanyn jáne ýaqytsha ustaý ızolıatoryna qamalǵanyn habarlady.
"Qasaqana orta dárejedegi dene jaraqatyn keltirý faktisi boıynsha sotqa deıingi tergeý bastaldy. Aldyn ala derekterge sáıkes, janjal eki tarap arasyndaǵy burynnan kele jatqan arazdyqtyń saldarynan týyndaǵan", – dep málimdedi polıııa ókilderi.
Qazirgi tańda istiń barlyq mán-jaıyn anyqtaý úshin jan-jaqty tergeý amaldary júrgizilip jatyr.
