2025 جىلعى 29-30 مامىردا قازاقستاننىڭ استاناسىندا الەمدىك كوشباسشىلاردى، ساراپشىلاردى، ينۆەستورلار مەن بيزنەس وكىلدەرىن بىرىكتىرەتىن ايماقتاعى ەڭ ءىرى ىسكەرلىك وقيعا – استانا حالىقارالىق فورۋمى (AIF2025) وتكىزىلەدى. فورۋم باعدارلاماسى قازىرگى زاماننىڭ نەگىزگى سىن-قاتەرلەرىن قامتىعان پلەنارلىق سەسسيا مەن 25 پىكىرتالاس الاڭىنان تۇرادى. الەمنىڭ تۇكپىر-تۇكپىرىنەن 600-گە جۋىق شەتەلدىك قوناق قاتىسپاق. ولاردىڭ اراسىندا جەتەكشى ساياساتكەرلەر، حالىقارالىق ۇيىم، كورپوراتسيا باسشىلارى، ينۆەستورلار مەن عىلىمي توپ وكىلدەرى بار. AIF2025-كە قاتىسۋدى راستاعاندار:
پول كاگامە – رۋاندا رەسپۋبليكاسىنىڭ پرەزيدەنتى;
ەدي راما – البانيا پرەمەر-ءمينيسترى;
اندرەي پلەنكوۆيچ – حورۆاتيا رەسپۋبليكاسىنىڭ پرەمەر-ءمينيسترى;
مۋحاممەد بين ابدۋلراحمان ال-تاني – پرەمەر-مينيستر-كاتار سىرتقى ىستەر ءمينيسترى;
پان گي مۋن – بۇۇ 8-باس حاتشىسى، Green Global Growth Institute توراعاسى، «Boao Forum for Asia» ديرەكتورلار كەڭەسىنىڭ توراعاسى;
الەن بەرسە – ەۋروپا كەڭەسىنىڭ باس حاتشىسى;
تسيۋي دۋنيۋي – بۇۇ ازىق-تۇلىك جانە اۋىل شارۋاشىلىعى ۇيىمىنىڭ باس ديرەكتورى (FAO)
ەمي پوۋپ – كوشى-قون جونىندەگى حالىقارالىق ۇيىمنىڭ باس ديرەكتورى (Iوم);
ماتياس كورمانن – ەىدۇ باس حاتشىسى;
دارەن تانگ – زياتكەرلىك مەنشىك جونىندەگى دۇنيەجۇزىلىك ۇيىمنىڭ باس ديرەكتورى;
انتونەللا باسساني – ەۋروپا جانە ورتالىق ازيا ايماعى بويىنشا دۇنيەجۇزىلىك بانكتىڭ ۆيتسە-پرەزيدەنتى;
حاوليان سيۋي – بۇۇ باس حاتشىسىنىڭ ورىنباسارى جانە دامۋ باعدارلاماسى اكىمشىسىنىڭ ورىنباسارى;
تسزين ليتسيۋن – ازيا ينفراقۇرىلىمدىق ينۆەستيتسيالار بانكىنىڭ (ايب) پرەزيدەنتى جانە ديرەكتورلار كەڭەسىنىڭ توراعاسى;
يۋرگەن ريگتەرينك – ەقدب ءبىرىنشى ۆيتسە-پرەزيدەنتى;
كۋبانىچبەك ومۋراليەۆ – تۇركى مەملەكەتتەرى ۇيىمىنىڭ باس حاتشىسى;
سەباستيان كۋرتس – اۆستريانىڭ 26-فەدەرالدىق كانتسلەرى.
پىكىرتالاستاردىڭ نەگىزگى تاقىرىبى
2025 جىلى AIF جاھاندىق كۇن تارتىبىندەگى نەگىزگى ءۇش باعىتقا نازار اۋدارادى:
سىرتقى ساياسات جانە حالىقارالىق قاۋىپسىزدىك
ەنەرگەتيكا جانە كليماتتىڭ وزگەرۋى
ەكونوميكا جانە قارجى
فورۋم ينۆەستيتسيا مەن حالىقارالىق ىنتىماقتاستىق درايۆەرى رەتىندە
استانا حالىقارالىق فورۋمى 2025 ينۆەستيتسيا ءۇشىن جاھاندىق باسەكەلەستىك داۋىرىندە وتكىزىلىپ، قازاقستاننىڭ الەمگە اشىقتىعىن كورسەتەدى. ءبىزدىڭ ەلىمىز ءىرى الەمدىك كورپوراتسيالار مەن قارجى ينستيتۋتتارىنىڭ نازارىن اۋدارا وتىرىپ، ورتالىق ازياداعى ءوز پوزيتسياسىن نىعايتا تۇسۋدە. اۋقىمدى رەفورمالار، زاڭنامانى جاڭعىرتۋ مەن ينۆەستيتسيالىق احۋالدى جاقسارتۋ ەلدىڭ دامۋىنا جانە ونىڭ ەكونوميكالىق مۇمكىندىگىن كەڭەيتۋگە ىقپال ەتەدى. فورۋمنىڭ مىندەتى – اشىق ديالوگ پەن شەتەلدىك كاپيتال تارتۋدىڭ، ستراتەگيالىق كەلىسىمدەر جاساسۋ مەن ەكونوميكالىق دامۋعا ارنالعان باستامالاردى ىلگەرىلەتۋ ءۇشىن ماڭىزدى پلاتفورما بولۋ.
AIF2025 قارساڭىندا قازاقستاننىڭ نەگىزگى ارىپتەستەرىمەن ەكونوميكالىق بايلانىستاردى نىعايتۋعا ارنالعان بىرقاتار بيزنەس-فورۋمدار جوسپارلانۋدا:
قازاحستان-فرانتسيا بيزنەس-فورۋمى (2025 جىلعى 28 مامىر);
قازاحستان-يتاليا بيزنەس-فورۋمى (2025 جىلعى 28 مامىر).
بۇل ءىس-شارالار حالىقارالىق ىنتىماقتاستىق، تەحنولوگيا الماسۋ جانە بىرلەسكەن ينۆەستيتسيالىق جوبالاردى ىسكە اسىرۋ ءۇشىن جاڭا مۇمكىندىك بەرمەك.
