مەملەكەت باسشىسىنىڭ دەنساۋلىق ساقتاۋ سالاسىنداعى مىندەتتى الەۋمەتتىك مەديتسينالىق ساقتاندىرۋ جۇيەسىنىڭ تيىمدىلىگىن ارتتىرۋ تۋرالى تاپسىرماسى شەڭبەرىندە مەديتسينالىق كومەككە اقى تولەۋدىڭ بىرىڭعاي جۇيەسىن (مكابج) ەنگىزۋ باستالدى.
مەملەكەت باسشىسىنىڭ كومەكشىسى تامارا دۇيسەنوۆانىڭ توراعالىعىمەن وتكەن كەڭەستە وسى تاپسىرمانى ورىنداۋ ماسەلەلەرى قارالدى.
Saqtandyrý اقپاراتتىق جۇيەسىنە ينتەگراتسيالانعان جاڭا تسيفرلىق قۇرال تمككك جانە ءمامس شەڭبەرىندە مەديتسينالىق قىزمەتتەردى قارجىلاندىرۋدىڭ اشىقتىعىن، ساپاسىن باقىلاۋدى جانە اۆتوماتتاندىرۋدى قامتاماسىز ەتەدى.
اعىمداعى جىلدىڭ ناۋرىز ايىندا بىرىڭعاي تولەم جۇيەسىن پيلوتتىق ىسكە اسىرۋ اقمولا وبلىسىنىڭ مەديتسينالىق ۇيىمدارىندا باستالدى. 1 شىلدەدەن باستاپ جاڭا جۇيە ەلىمىزدىڭ بارلىق مەديتسينالىق ۇيىمدارىندا ەنگىزىلەتىن بولادى.
جاڭا تسيفرلىق جۇيە مىنالاردى قامتاماسىز ەتۋگە مۇمكىندىك بەرەدى:
كورسەتىلگەن مەديتسينالىق كومەكتىڭ دۇرىستىعىن دەربەستەندىرىلگەن ەسەپكە الۋ جانە تۇپكىلىكتى باقىلاۋ نەگىزىندە مەديتسينالىق قىزمەتتەر كورسەتۋدىڭ اشىقتىعى;
قاراجاتتىڭ نەگىزسىز ەسەپتەن شىعارىلۋىن بولدىرماۋ جانە مەديتسينالىق قىزمەتتەردىڭ ساپاسىن باقىلاۋدى جاقسارتۋ.
مەديتسينالىق كومەك كورسەتۋدەگى قاتەلەر مەن بۇزۋشىلىقتاردى، سونىڭ ىشىندە «قوسىپ جازۋلار» دەپ اتالاتىنداردى اۆتوماتتى تۇردە انىقتاۋ.
مەديتسينالىق قىزمەتتەرگە اقى تولەۋ تەك ناقتى كورسەتىلگەن كومەك ءۇشىن جۇرگىزىلەتىنىنە كەپىلدىك بەرۋ.
بۇل جۇيەلەر قارجى قاراجاتىن ءتيىمدى پايدالانۋعا، قوسىپ جازۋلاردى الىپ تاستاۋعا جانە سىبايلاس جەمقورلىق قاۋىپتەرىنىڭ ۇلەسىن ازايتۋعا باعىتتالعانىن ايتا كەتكەن ءجون.
مەديتسينالىق قىزمەتتەردىڭ ساپاسىن باقىلاۋدىڭ اۆتوماتتاندىرىلعان جۇيەسى مەديتسينالىق ۇيىمداردى پاتسيەنتتەردىڭ قاجەتتىلىكتەرىنە دەنساۋلىق ساقتاۋ جۇيەسىن ىنتالاندىراتىن بولادى.
جاڭا جۇيەنىڭ تيىمدىلىگىن اقمولا وبلىسىنداعى پيلوتتىڭ الدىن الا قورىتىندىلارى راستادى.
پيلوتتىق رەجيمدە جۇيە كورسەتىلگەن مەديتسينالىق كومەكتىڭ بەلگىلەنگەن ستاندارتتارعا سايكەس كەلمەۋىنىڭ 11 مىڭنان استام فاكتىسىن، ونىڭ ىشىندە تىركەۋ فاكتىلەرىن انىقتادى.
بۇزۋشىلىقتاردى قاراۋ قورىتىندىلارى بويىنشا ۇيىمداستىرۋشىلىق جانە قارجىلىق سيپاتتاعى شارالار قابىلداناتىن بولادى.
يننوۆاتسيانىڭ ارقاسىندا مەديتسينالىق قىزمەتتەردى قارجىلاندىرۋ ءادىل ءارى ءتيىمدى بولادى، ال پاتسيەنتتەر ساپالى ءارى ۋاقتىلى ەمدەلۋگە سەنە الادى.
كەڭەس بارىسىندا مەديتسينالىق ۇيىمداردىڭ جۇيەنى ەنگىزۋگە دايىندىعى، مامانداردى وقىتۋ، ساراپشىلاردىڭ قۇزىرەتى، سونداي-اق مەديتسينالىق كومەكتىڭ جەكەلەگەن تۇرلەرىنە تاريفتەردى قايتا قاراۋ ماسەلەلەرى قارالدى.
