سەمەيدە قاتارلاسىن ۇرعان جاسوسپىرىمدەردىڭ اتا-اناسىنا قاتىستى سوت ۇكىمى شىقتى. سوت قاۋلىسىمەن ءبىر اتا-انا 5 تاۋلىككە اكىمشىلىك قاماققا الىندى، دەپ حابارلايدى “ادىرنا”.
اباي وبلىسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتى سەمەي قالاسىندا وقۋشىنى سوققىعا جىققان جاسوسپىرىمدەردىڭ اتا-انالارىنا قاتىستى اكىمشىلىك ىستەردى قارادى.
سوت ولاردى بالالاردى تاربيەلەۋ جونىندەگى اتا-انالىق مىندەتتەرىن تيىسىنشە ورىنداماعانى ءۇشىن كىنالى دەپ تانىپ، قازاقستان رەسپۋبليكاسى اكىمشىلىك قۇقىقبۇزۋشىلىق تۋرالى كودەكسىنىڭ (قر اقبتك) 127-بابىنا سايكەس ءتيىستى اكىمشىلىك جازالار تاعايىندادى.
سوت قاۋلىسىمەن ءبىر اتا-انا 5 تاۋلىككە اكىمشىلىك قاماققا الىندى. قالعان جاسوسپىرىمدەردىڭ اتا-انالارىنا 78 640 تەڭگەدەن ايىپپۇل سالىندى.
