ايتسە دە ايگۇل رازاقوۆا جەتەكشىلىك ەتەتىن «اينالايىن» بالالار مەن جاسوپىرىمدەر ورتالىعى 2004 جىلى بىراق زاڭدى تۇردە تىركەلگەن ەكەن. وعان دەيىن ايگۇل اپاي ءوز قىزىعۋشىلىعىمەن جۇمىس جۇرگىزە بەرگەنىن ايتادى.«اينالايىن» ورتالاعى بالالار مەن جاستار جانە وتباسىلىق ماسەلەلەردى شەشۋگە اتسالىسادى. ناقتىراق ايتسام، جۇمىسسىز ايەلدەرگە جۇمىس ورنىن تاۋىپ بەرىپ، ونىڭ اياقتان تۇرۋىنا ىقپال ەتەمىز. اباي اتامىز ايتقانداي بالالاردىڭ ءبىر كىرپىش بولىپ قالانۋىنا دا جۇمىس جاسايمىز. پرەزيدەنتىمىز قاسىم-جومارت توقاەۆ جۇمىسسىز ۇيدە وتىرعان ازاماتتاردى جۇمىسپەن قامتىپ، ەكى قولعا ءبىر كۇرەك تابۋعا ۇندەپ جاتىر عوي. ونىڭ ۇستىنە ءوزىم جەتەكشىلىك ەتەتىن «اينالايىن» ورتالىعى بالالاردى جاستايىنان ەڭبەككە تاربيەلەيدى. ياعني، 11 سىنىپتى بىتىرگەننەن كەيىن بالالاردىڭ جۇمىسسىز قالماي، ءوز جولىن تاۋىپ كەتۋگە ءبىزدىڭ ورتالىق ۇلەس قوسىپ جاتىر. بۇل جەردە بالا ءوزىن عانا اسىراپ قانا قويماي، سونىمەن قاتار اتا-اناسىنا دا بەلگىلى ءبىر دەڭگەيدە كومەك كورسەتە الادى»، – دەيدى ول.
ايگۇل رازاقوۆا ورتالىقتىڭ وبلىستىق تۋريزم باسقارماسى مەن مادەنيەت, ارحيۆتەر جانە قۇجاتتاما باسقارماسىنىڭ قولداۋىمەن جۇمىس جاسايتىنىن ايتادى. ناقتىراق ايتساق، ول تورتكول كەرۋەن سارايىندا كونە تاراز شەبەرلەر اۋىلىن ۇيىمداستىرىپ كەلەدى.
«ىشكى جانە سىرتقى ءتۋريزمدى دامىتۋ ءۇشىن قول ونەر شەبەرلەرىنىڭ بۇيىمدارىن كوپتەپ جاساۋعا بولاتىنىن اڭعاردىق. بۇل ءبىرىنشى كەزەكتە قول ونەر شەبەرلەرىن جۇمىسپەن قامتۋ بولسا، ەكىنشى جاعىنان تۋريستەرگە ۇلتتىق قول-ونەرىمىزدى دارىپتەۋ بولدى. جالپى سوڭعى كەزدەرى قول ونەر بۇيىمدارىن دامىتۋ تۋرالى ءجيى-ءجيى ايتىلىپ جاتىر. ءبىزدىڭ تاراز قالاسى ۇلى جىبەك جولى بويىندا ورنالاسقاننان كەيىن ءتۋريزمدى دامىتۋعا قولايلى ايماق. الايدا تورتكۇل كەرۋەن سارايىنا 2000 جىلدارى رەستاۆراتسيا جاسالعانىمەن ۇزاق ۋاقىت نازاردان تىس قالدى. ۇلى جىبەك جولى كەزىندە كەرۋەن سارايدا حالىق ەڭ ءجيى كەلەتىن ورتالىق بولعان. ءبىز ەجەلگى تاريحتى قايتادان قالپىنا كەلتىرىپ، وندا قول ونەر شەبەرلەرىنىڭ اۋىلىن جاسادىق»، – دەيدى ول
ايگۇل رازاقوۆا ورتالىققا قولداۋ بىلدىرگەن تۋريزم باسقارماسى مەن مادەنيەت, ارحيۆتەر جانە قۇجاتتاما باسقارماسىنا ءدان ريزا. ويتكەنى قوس باسقارمانىڭ قولداۋىنىڭ ارقاسىندا كەرۋەن سارايعا الىس جاقىن شەت ەلدەردەن كوپتەگەن تۋريستەر كەلىپ، قازاقتىڭ سالت-داستۇرىنە قايران قالعان كورىنەدى.
«ادىرنا»
ۇلتتىق پورتالى
