Áıtse de Aıgúl Razaqova jetekshilik etetin «Aınalaıyn» balalar men jasópirimder ortalyǵy 2004 jyly biraq zańdy túrde tirkelgen eken. Oǵan deıin Aıgúl apaı óz qyzyǵýshylyǵymen jumys júrgize bergenin aıtady.«Aınalaıyn» ortalaǵy balalar men jastar jáne otbasylyq máselelerdi sheshýge atsalysady. Naqtyraq aıtsam, jumyssyz áıelderge jumys ornyn taýyp berip, onyń aıaqtan turýyna yqpal etemiz. Abaı atamyz aıtqandaı balalardyń bir kirpish bolyp qalanýyna da jumys jasaımyz. Prezıdentimiz Qasym-Jomart Toqaev jumyssyz úıde otyrǵan azamattardy jumyspen qamtyp, eki qolǵa bir kúrek tabýǵa úndep jatyr ǵoı. Onyń ústine ózim jetekshilik etetin «Aınalaıyn» ortalyǵy balalardy jastaıynan eńbekke tárbıeleıdi. Iaǵnı, 11 synypty bitirgennen keıin balalardyń jumyssyz qalmaı, óz jolyn taýyp ketýge bizdiń ortalyq úles qosyp jatyr. Bul jerde bala ózin ǵana asyrap qana qoımaı, sonymen qatar ata-anasyna da belgili bir deńgeıde kómek kórsete alady», – deıdi ol.
Aıgúl Razaqova ortalyqtyń oblystyq Týrızm basqarmasy men mádenıet, arhıvter jáne qujattama basqarmasynyń qoldaýymen jumys jasaıtynyn aıtady. Naqtyraq aıtsaq, ol Tórtkól kerýen saraıynda Kóne Taraz sheberler aýylyn uıymdastyryp keledi.
«Ishki jáne syrtqy týrızmdi damytý úshin qol óner sheberleriniń buıymdaryn kóptep jasaýǵa bolatynyn ańǵardyq. Bul birinshi kezekte qol óner sheberlerin jumyspen qamtý bolsa, ekinshi jaǵynan týrısterge ulttyq qol-ónerimizdi dáripteý boldy. Jalpy sońǵy kezderi qol óner buıymdaryn damytý týraly jıi-jıi aıtylyp jatyr. Bizdiń Taraz qalasy Uly Jibek joly boıynda ornalasqannan keıin týrızmdi damytýǵa qolaıly aımaq. Alaıda Tórtkúl Kerýen saraıyna 2000 jyldary restavraııa jasalǵanymen uzaq ýaqyt nazardan tys qaldy. Uly Jibek joly kezinde Kerýen saraıda halyq eń jıi keletin ortalyq bolǵan. Biz ejelgi tarıhty qaıtadan qalpyna keltirip, onda qol óner sheberleriniń aýylyn jasadyq», – deıdi ol
Aıgúl Razaqova ortalyqqa qoldaý bildirgen Týrızm basqarmasy men mádenıet, arhıvter jáne qujattama basqarmasyna dán rıza. Óıtkeni qos basqarmanyń qoldaýynyń arqasynda Kerýen saraıǵa alys jaqyn shet elderden kóptegen týrıster kelip, qazaqtyń salt-dástúrine qaıran qalǵan kórinedi.
«ADYRNA»
ulttyq portaly
