قورعانىس ءمينيسترىنىڭ ورىنباسارى شايح-حاسان جازىقباەۆ باتىس قازاقستان وبلىسى اۋماعىنا ءۇش بەلگىسىز ۇشقىشسىز ۇشۋ اپپاراتىنىڭتابىلۋىنا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
ونىڭ ايتۋىنشا بۇل فاكتىلەر بويىنشا ءتيىستى مەملەكەتتىك ورگاندار تەرگەۋ جۇرگىزىپ جاتىر.
"ەگەر قاجەتتىلىك تۋىنداسا، تەرگەۋ ناتيجەلەرى بويىنشا قوسىمشا شارالار قابىلدايمىز، ", – دەدى جازىقباەۆ.
ول بوكەي ورداسى اۋدانىندا رەسەي فەدەراتسياسى جالعا العان سىناق پوليگونى بار ەكەنىن ەسكە سالدى.
"بۇل جەردە تەك ۇرىس الاڭى عانا ەمەس، اۋە كەڭىستىگى دە بار. مۇمكىن، بۇل تەحنيكالىق اقاۋلىقتان تۋىنداپ، بەلگىلەنگەن ايماقتان شىعىپ كەتكەن بولار. حالىقتى الاڭداماۋعا شاقىرامىن. تەرگەۋ اياقتالعانشا ناقتى ەشتەڭە ايتۋعا بولمايدى. ناتيجەلەر بويىنشا شارا قابىلداپ، قوسىمشا حابارلايمىز", – دەپ قورىتىندىلادى جازىقباەۆ.
قر سىرتقى ىستەر ءمينيسترىنىڭ ءبىرىنشى ورىنباسارى اقان راحمەتۋللين قازاقستان اۋماعىنان تابىلعان درونداردىڭ كىمگە تيەسىلى ەكەنى تۋرالى اقپارات جوق ەكەنىن مالىمدەدى.
ەسكە سالا كەتەيىك، قازاقستاننان بەلگىسىز ءۇش ۇشقىشسىز ۇشۋ اپپاراتى تابىلدى. ءبىرىنشىسى باتىس قازاقستان وبلىسى ۇيالى اۋىلىنان، ەكىنشىسى 18 ناۋرىزدا تاسقالا اۋدانىنان, ءۇشىنشىسى جانىبەك اۋدانىنان تابىلعان ەدى.
