يراننىڭ «شاحەدى» ماڭعىستاۋدا نە ىستەپ ءجۇر؟

986
Adyrna.kz Telegram
https://adyrna.kz/storage/uploads/h3lhW4uszZuCSH0Zy4esM7BJ5BaTxXpBAyN53lYf.jpg

يراننىڭ Shahed-136 ۇشقىشسىز ۇشۋ اپپاراتتارىنا ۇقساس درون ماڭعىستاۋ وبلىسىنان تابىلدى، دەپ حابارلايدى «ادىرنا» ءتىلشىسى قازتاگ-قا سىلتەمە جاساپ.

«بولاشاق» اۋىلدىق وكرۋگىنە قاراستى بوپاي ستانتسياسىنىڭ ماڭىنان بەلگىسىز نىسان تابىلدى. قازىرگى تاڭدا بۇل وقيعا جونىندە ءتيىستى ورگاندارعا حابار بەرىلدى»،—دەلىنگەن حابارلامادا.

وقيعا ورنىنا قۇقىق قورعاۋ ورگاندارى مەن توتەنشە جاعدايلار قىزمەتى جەتىپ، ءمان-جايدى انىقتاپ جاتىر.

يران 2022 جىلدىڭ كۇزىنەن باستاپ رەسەيگە Shahed-136 ۇشقىشسىز ۇشۋ اپپاراتتارىن جەتكىزە باستادى دەگەن

مالىمەتتەر بار. بۇل درونداردى رەسەي ۋكرايناداعى سوعىس بارىسىندا بەلسەندى تۇردە پايدالانىپ جاتقانى دا ايتىلىپ ءجۇر.

يران دا، رەسەي دە بۇل درونداردىڭ ۋكرايناداعى سوعىسقا قاتىسى بارىن جوققا شىعارىپ كەلەدى. الايدا بىرقاتار جۋرناليستىك زەرتتەۋ، ساراپشىلاردىڭ پىكىرلەرى مەن قۇپيا قۇجاتتارداعى مالىمەتتەر بۇل مالىمدەمەلەرگە قايشى كەلەتىن جايتتاردى كورسەتىپ وتىر.

ەسكە سالايىق، بۇعان دەيىن بقو-نىڭ جانىبەك اۋدانىندا دا درون تابىلعان ەدى.

پىكىرلەر