رەسەي پرەزيدەنتى ۆلاديمير ءپۋتيننىڭ قاۋىپسىزدىگىن قامتاماسىز ەتۋ ماقساتىندا ارنايى قۇرىلعىلار قولدانا باستادى. قاۋىپسىزدىك قىزمەتى قازىرگى تاڭدا FPV-دروندارىن باسىپ الۋ جانە ولاردىڭ سيگنالدارىن بوگەي الاتىن قۇرىلعىلاردى پايدالانۋدا. بۇل شارالار پرەزيدەنتكە جاقىنداعان درونداردان قورعانۋدى قامتاماسىز ەتۋ ءۇشىن ەنگىزىلگەن، دەپ حابارلايدى “ادىرنا” ۇلتتىق پورتالى ArbatMedia سايتىنا سىلتەپ.
رەسەي پرەزيدەنتىنىڭ قاۋىپسىزدىك قىزمەتكەرلەرى درونداردى باسىپ الۋ قۇرىلعىلارىن قولدانا باستادى. بۇل قۇرىلعىلار ۆلاديمير پۋتينگە جاقىنداعان درونداردان قورعانۋعا ارنالعان.
بۇل شارالارعا درونداردى پايدالانۋ جاعدايلارى كوبەيگەن سوڭ قاجەتتىلىك تۋىنداعان. بۇعان دەيىن پرەزيدەنتتىڭ قاۋىپسىزدىگىنە جاۋاپتى قىزمەتكەرلەر جوعارى كيىمدەرىنىڭ استىنا بىرنەشە كيلوگراممدىق برونەجيلەتتەردى تاسيتىن بولسا، ەندى ولارعا درونعا قارسى جابدىق تا قوسىلدى.
FPV-دروندارى سوعىس ايماقتارىندا بەلسەندى قولدانىلىپ كەلەدى، الايدا سوڭعى ۋاقىتتا ولار بەيبىت قالالاردا دا قولدانىلىپ، قورعالعان وبەكتىلەرگە شابۋىل جاساۋ ارەكەتتەرى بايقالۋدا.
