Qorǵanys mınıstriniń orynbasary Shaıh-Hasan Jazyqbaev Batys Qazaqstan oblysy aýmaǵyna úsh belgisiz ushqyshsyz ushý apparatynyńtabylýyna qatysty pikir bildirdi, dep habarlaıdy "Adyrna" ulttyq portaly.
Onyń aıtýynsha bul faktiler boıynsha tıisti memlekettik organdar tergeý júrgizip jatyr.
"Eger qajettilik týyndasa, tergeý nátıjeleri boıynsha qosymsha sharalar qabyldaımyz, ", – dedi Jazyqbaev.
Ol Bókeı ordasy aýdanynda Reseı Federaııasy jalǵa alǵan synaq polıgony bar ekenin eske saldy.
"Bul jerde tek urys alańy ǵana emes, áýe keńistigi de bar. Múmkin, bul tehnıkalyq aqaýlyqtan týyndap, belgilengen aımaqtan shyǵyp ketken bolar. Halyqty alańdamaýǵa shaqyramyn. Tergeý aıaqtalǵansha naqty eshteńe aıtýǵa bolmaıdy. Nátıjeler boıynsha shara qabyldap, qosymsha habarlaımyz", – dep qorytyndylady Jazyqbaev.
QR Syrtqy ister mınıstriniń birinshi orynbasary Aqan Rahmetýllın Qazaqstan aýmaǵynan tabylǵan drondardyń kimge tıesili ekeni týraly aqparat joq ekenin málimdedi.
Eske sala keteıik, Qazaqstannan belgisiz úsh ushqyshsyz ushý apparaty tabyldy. Birinshisi Batys Qazaqstan oblysy Uıaly aýylynan, ekinshisi 18 naýryzda Tasqala aýdanynan, úshinshisi Jánibek aýdanynan tabylǵan edi.
