Qorǧanys ministrınıŋ orynbasary Şaih-Hasan Jazyqbaev Batys Qazaqstan oblysy aumaǧyna üş belgısız ūşqyşsyz ūşu apparatynyŋtabyluyna qatysty pıkır bıldırdı, dep habarlaidy "Adyrna" ūlttyq portaly.
Onyŋ aituynşa būl faktıler boiynşa tiıstı memlekettık organdar tergeu jürgızıp jatyr.
"Eger qajettılık tuyndasa, tergeu nätijelerı boiynşa qosymşa şaralar qabyldaimyz, ", – dedı Jazyqbaev.
Ol Bökei ordasy audanynda Resei Federasiiasy jalǧa alǧan synaq poligony bar ekenın eske saldy.
"Būl jerde tek ūrys alaŋy ǧana emes, äue keŋıstıgı de bar. Mümkın, būl tehnikalyq aqaulyqtan tuyndap, belgılengen aimaqtan şyǧyp ketken bolar. Halyqty alaŋdamauǧa şaqyramyn. Tergeu aiaqtalǧanşa naqty eşteŋe aituǧa bolmaidy. Nätijeler boiynşa şara qabyldap, qosymşa habarlaimyz", – dep qorytyndylady Jazyqbaev.
QR Syrtqy ıster ministrınıŋ bırınşı orynbasary Aqan Rahmetullin Qazaqstan aumaǧynan tabylǧan drondardyŋ kımge tiesılı ekenı turaly aqparat joq ekenın mälımdedı.
Eske sala keteiık, Qazaqstannan belgısız üş ūşqyşsyz ūşu apparaty tabyldy. Bırınşısı Batys Qazaqstan oblysy Ūialy auylynan, ekınşısı 18 nauryzda Tasqala audanynan, üşınşısı Jänıbek audanynan tabylǧan edı.
