قوعام بەلسەندىسى جان احماديەۆ كىسى قولىنان قازا تاپقان شەرزات بولاتتىڭ وتباسى قايتا قۋدالاۋعا ۇشىراۋى مۇمكىن ەكەنىن مالىمدەدى، دەپ حابارلايدى "ادىرنا" ۇلتتىق پورتالى Orda.kz-كە سىلتەمە جاساپ.
بۇعان دەيىن شەرزاتتىڭ اكەسى قارجاۋباي نۇرىموۆ پەن قۇقىق قورعاۋشى ايتبەك امانگەلدى اراسىندا داۋ تۋىنداعان بولاتىن. وسى جانجالدان كەيىن مارقۇمنىڭ وتباسى امانگەلدىنىڭ كومەگىنەن باس تارتۋ تۋرالى شەشىم قابىلداپ، سوتتا ولاردىڭ مۇددەسىن ادۆوكاتتار مەيىرمان شەكەەۆ پەن جاندوس پالمانوۆ قورعايتىنى بەلگىلى بولدى.
جان احماديەۆتىڭ ايتۋىنشا، پەريزات نۇرىموۆا (قارجاۋباي نۇرىموۆتىڭ قارىنداسى) ۇيىندە ءتىنتۋ جۇمىستارى قايتا باستالعانىن جەتكىزگەن.
"وسى جاعدايلار باستالعالى بەرى 2,5 اي بويى كەلمەگەن پوليتسيا قارجاۋبايدىڭ پاتەرىنە قايتا كەلىپ، ءتىنتۋ جۇرگىزدى. ولار ۇيدە قارۋ-جاراق بار-جوعىن، تۇرعىلىقتى مەكەنجايىنىڭ دۇرىستىعىن تەكسەرىپ جاتىر. بۇل جايدان-جاي بولىپ جاتقان جوق دەپ ويلايمىن. وسى ىستەردى ايتىمنىڭ ءوزى ۇيىمداستىرىپ وتىرعان جوق پا دەگەن كۇدىگىم بار. 102-ءنى سول كىسى جىبەرىپ وتىرعان سياقتى", – دەيدى پەريزات نۇرىموۆا.
قازىرگى ۋاقىتتا بۇل ىسكە قاتىستى رەسمي ورگانداردان ناقتى مالىمەت بەرىلگەن جوق. سوت وتىرىسى جاقىندا باستالۋى ءتيىس، سوندىقتان بۇل جاعداي قوعامنىڭ نازارىندا قالا بەرمەك.
