ۇلتتىق اقپارات كەڭىستىگىندە پاۆلودار قالاسى ءماسليحاتىنىڭ دەپۋتاتى گۇلجاينا ءدارىموۆانىڭ "ەسكى" ۆيدەو-ۇندەۋىنە قاتىستى اقپارات تارادى. ۆيدەوداعى تاقىرىپ اۋانى، اڭگىمە جەلىسى قازاقستاندىقتاردىڭ قىتىعىنا ءتيىپ، كوپشىلىكتى بەي-جاي قالدىرمادى. كەيىننەن دەپۋتات ءوزىنىڭ ۆيدەوسى جايلى ءتۇسىندىرىپ، قىزمەتتىك تۇلعاسى جايلى ايتىپ بەردى، دەپ حابارلايدى "ادىرنا" ۇلتتىق پورتالى.
پاۆلودار قالالىق ءماسليحاتىنىڭ دەپۋتاتى گۇلجايدا دارىموۆاعا قاتىستى ۆيدەونى بلوگەر جان احماديەۆ ءبولىستى. ۆيدەوداعى اڭگىمە جەلىسىندە قوعام بەرسەندىسى وزىنە قاراتا "نە بولسا سونى جازعان" قىز-كەلىنشەكتەرگە ەسكەرتۋ جاساپ، "كۇيەۋىن، بالاسىن نە اكەسىن ەرتىپ اكەتۋى مۇمكىن" ەكەندىگىن ايتادى. ولاردى ساق بولۋعا شاقىرادى.
پوسموترەت ەتۋ پۋبليكاتسيۋ ۆ Instagram
ۆيدەو 2022 جىلدىڭ 10 جەلتوقسانىندا جاريالانعان. قوعام بەلسەندىسى گۇلجاينا ءدارىموۆا 2023 جىلدىڭ 25 ناۋرىزى كۇنى قالالىق ماسليحاتقا دەپۋتات بولىپ سايلاندى. ەكى وقيعانىڭ اراسى - 4 اي.
جەلىدە جەلدەي ەسكەن ۆيدەو اقپارات ارنالارى ارقىلى تۇتاس قازاقستاندىقتاردىڭ "قۇلاعىنا شالىنىپ", قوعامدىق پىكىر تۋدىردى. دەگەنمەن دەپۋتاتتىڭ ءوزى ارنايى مالىمدەمە جاساپ، كەزىندە ءازىل رەتىندە تۇسىرگەن ۆيدەوسىنا قاتىستى ەش الاڭدامايتىنىن جەتكىزدى. مالىمدەمەسىنىڭ مانىنە زەر سالساق، دەپۋتاتتىڭ قاڭقۋ سوزگە ەمەس، جەرلەستەرىنە ارقا سۇيەيتىندىگى اڭدالادى.
جاڭساق پىكىر قالىپتاسقانىن قالامايتىن دەپۋتات...
گۇلجاينا ءدارىموۆا وزىنە قاتىستى كوزقاراستىڭ جالعان داۋرىعۋعا ەمەس، اتقارعان قىزمەتىنە قاراي قالىپتاسقانىن قالايدى.
"بەزەك قاققان تەلەفونعا مازا جوق. بارلىعى مەنىڭ مۇنداي ۆيدەو سالعانىما تاڭىرقاپ جاتىر. بىراق سىزدەر بۇل ۆيدەونى ءبىر جىل بۇرىن جاريالاعانىمدى جاقسى بىلەسىزدەر ەمەس پە؟ ول كەزدە دەپۋتات ەمەس ەدىم. ءازىل رەتىندە reels (Instagram فورماتى) تۇسىرە سالعانمىن. مەنى ار-ۇياتتان بەزگەن ايەل رەتىندە كورسەتكىسى كەلەتىندەرگە قايراڭمىن. بىراق مەنىڭ قانداي ەكەنىمدى سىزدەر جاقسى بىلەسىزدەر عوي. مەن ءتىپتى ەشبىر پارتيانىڭ مۇشەسى دە ەمەسپىن. بۇل قاعىتپا ۆيدەونى ەرتەدە سالعانمىن. قانداي بولماسىن، جارنامانىڭ اتى - جارناما. مەنىڭ مۇنى شىبىن شاققان قۇرلى ەلەمەيتىنىمدى بىلەسىزدەر. ەگەر ماعان ەكى قويىڭ ءبىر سوم بولسا، سىزدەرگە سول كۇلكىلى بولسىن", - دەيدى ءدارىموۆا.
“كوڭىلى جاي تاۋىپ كەتتى. ءبىز ۇلگەردىك. جانىڭ تىنىش بولسىن، ناستيا”.
ءدارىموۆا ءىسى: قازاقستاندىقتارعا ۇندەۋ
پوسموترەت ەتۋ پۋبليكاتسيۋ ۆ Instagram
"قازاقستان ازاماتتارىنا، باسشىلىق قىزمەتتەگىنى تالاپ جەۋگە اسىق بارلىق جۋرناليستەرگە قاراتا ۇندەۋ جولداعىم كەلەدى. كەرەكۋلىكتەر مەنىڭ جايىمدى جاقسى بىلەدى. سابىرعا كەلەيىك. اتىشۋلى ۆيدەونى مەنى قارالاماق بولعاندارعا قالجىڭ رەتىندە بۇرىندارى تۇسىرە سالعان ەدىم. مەنىڭ پاراقشاما كوز جۇگىرتسەڭىزدەر، مەن جايلى ءبارى ايقىندالادى. مەن كەرەكۋدەگى ەڭ بەلسەندى، قوعاممەن بىرگە جاساپ كەلە جاتقان دەپۋتاتپىن. ەگەر مەنى سايلاعان حالىق مەنەن قايتا باس تارتسا، ورنىمدى بوساتۋعا دايىنمىن. سىزدەرگە ەمەس، مەنىڭ داۋىس بەرۋشىلەرىمنىڭ ەركىنە قالدىردىم. بارلىعىڭىزعا دەگەن ماحابباتىم شەكسىز", - دەدى دەپۋتات.
- مەن دە اتالمىش ۆيدەونى كوردىم. ونى ءدارىموۆا سايلاۋعا دەيىن تاسپالاعان. كەيىنگى قىزمەتىندە اباق-cاباق ۆيدەو جاريالاعانىن كورگەن ەمەسپىن. ونىڭ ايتىپ وتىرعان ءسوزىنىڭ جانى بار. مىنەزدى قىز بولسا دا، ءوز قىزمەتىن ادال اتقارىپ ءجۇر. قوعامدىق ومىردە بەلسەندى" - دەدى قوبلانبەك قوجين.
مۇنىمەن قوسا العاندا، ءماسليحات توراعاسى ء"دارىموۆا" ىسىنە قاتىستى قانداي قادامدارعا باراتىنىن باياندادى.
"ەگەر قوعام قويار دا قويماي قاجەتتى شارانىڭ قولعا الىنعانىن تالاپ ەتسە، ءبىزدىڭ تەك ەسكەرتۋ جاساۋعا عانا قۇقىمىز بار. ال كىناسى تولىق دالەلدەنگەن جاعدايدا ول كەشىرىم سۇراۋى ءتيىس. مۇنىڭ ءبارى جالپى جيىندا قارالىپ، تالقىلاناتىن بولادى", - دەدى ءماسليحات توراعاسى.
بۇدان بايقايتىنىمىز، ءماسليحات توراعاسى دا، دەپۋتاتتىڭ ءوزى دە، داۋلى وقيعاعانىڭ "نۇكتەسىن" قويۋدى سايلاۋشىلارعا تاپسىرادى.
