Qoǵam belsendisi Jan Ahmadıev kisi qolynan qaza tapqan Sherzat Bolattyń otbasy qaıta qýdalaýǵa ushyraýy múmkin ekenin málimdedi, dep habarlaıdy "Adyrna" ulttyq portaly Orda.kz-ke silteme jasap.
Buǵan deıin Sherzattyń ákesi Qarjaýbaı Nurymov pen quqyq qorǵaýshy Aıtbek Amangeldi arasynda daý týyndaǵan bolatyn. Osy janjaldan keıin marqumnyń otbasy Amangeldiniń kómeginen bas tartý týraly sheshim qabyldap, sotta olardyń múddesin advokattar Meıirman Shekeev pen Jandos Palmanov qorǵaıtyny belgili boldy.
Jan Ahmadıevtiń aıtýynsha, Perızat Nurymova (Qarjaýbaı Nurymovtyń qaryndasy) úıinde tintý jumystary qaıta bastalǵanyn jetkizgen.
"Osy jaǵdaılar bastalǵaly beri 2,5 aı boıy kelmegen polıııa Qarjaýbaıdyń páterine qaıta kelip, tintý júrgizdi. Olar úıde qarý-jaraq bar-joǵyn, turǵylyqty mekenjaıynyń durystyǵyn tekserip jatyr. Bul jaıdan-jaı bolyp jatqan joq dep oılaımyn. Osy isterdi Aıtymnyń ózi uıymdastyryp otyrǵan joq pa degen kúdigim bar. 102-ni sol kisi jiberip otyrǵan sııaqty", – deıdi Perızat Nurymova.
Qazirgi ýaqytta bul iske qatysty resmı organdardan naqty málimet berilgen joq. Sot otyrysy jaqynda bastalýy tıis, sondyqtan bul jaǵdaı qoǵamnyń nazarynda qala bermek.
