Qoǧam belsendısı Jan Ahmadiev kısı qolynan qaza tapqan Şerzat Bolattyŋ otbasy qaita qudalauǧa ūşyrauy mümkın ekenın mälımdedı, dep habarlaidy "Adyrna" ūlttyq portaly Orda.kz-ke sılteme jasap.
Būǧan deiın Şerzattyŋ äkesı Qarjaubai Nūrymov pen qūqyq qorǧauşy Aitbek Amangeldı arasynda dau tuyndaǧan bolatyn. Osy janjaldan keiın marqūmnyŋ otbasy Amangeldınıŋ kömegınen bas tartu turaly şeşım qabyldap, sotta olardyŋ müddesın advokattar Meiırman Şekeev pen Jandos Palmanov qorǧaityny belgılı boldy.
Jan Ahmadievtıŋ aituynşa, Perizat Nūrymova (Qarjaubai Nūrymovtyŋ qaryndasy) üiınde tıntu jūmystary qaita bastalǧanyn jetkızgen.
"Osy jaǧdailar bastalǧaly berı 2,5 ai boiy kelmegen polisiia Qarjaubaidyŋ päterıne qaita kelıp, tıntu jürgızdı. Olar üide qaru-jaraq bar-joǧyn, tūrǧylyqty mekenjaiynyŋ dūrystyǧyn tekserıp jatyr. Būl jaidan-jai bolyp jatqan joq dep oilaimyn. Osy ısterdı Aitymnyŋ özı ūiymdastyryp otyrǧan joq pa degen küdıgım bar. 102-nı sol kısı jıberıp otyrǧan siiaqty", – deidı Perizat Nūrymova.
Qazırgı uaqytta būl ıske qatysty resmi organdardan naqty mälımet berılgen joq. Sot otyrysy jaqynda bastaluy tiıs, sondyqtan būl jaǧdai qoǧamnyŋ nazarynda qala bermek.
Ūqsas jaŋalyqtar
