قر وقۋ-اعارتۋ ءبىرىنشى ۆيتسە-ءمينيسترى ناتاليا جۇمادىلداەۆا ومىردەن ءوتتى. قارالى حاباردى وقۋ-اعارتۋ ءمينيسترى عاني بەيسەمباەۆ ءوزىنىڭ الەۋمەتتىك جەلىدەگى پاراقشاسىندا جەتكىزدى، دەپ حابارلايدى "ادىرنا" ۇلتتىق پورتالى.
"بۇگىن ارىپتەسىمىز، قر وقۋ-اعارتۋ ءبىرىنشى ۆيتسە-ءمينيسترى ناتاليا جۇمادىلداەۆانىڭ ومىردەن وزعانى تۋرالى قارالى حاباردى ەستىپ، قابىرعامىز قايىسىپ وتىر. ول ءبىلىم جۇيەسىن جەتىلدىرۋگە جانە بالالاردىڭ ساپالى ءبىلىم الۋىنا قولايلى جاعداي جاساۋعا ەرەكشە ۇلەس قوستى. ورنى تولماس وكىنىش. مارقۇمنىڭ جاقىندارىنا قايعىرىپ كوڭىل ايتامىن", – دەپ جازدى مينيستر.
ناتاليا جۇمادىلداەۆا ەڭبەك جولىن باستاۋىش سىنىپ مۇعالىمى بولىپ باستاپ، ءار جىلدارى مەكتەپ ديرەكتورى، قىزىلوردا قالالىق ءبىلىم ءبولىمىنىڭ باسشىسىنىڭ ورىنباسارى قىزمەتتەرىن اتقاردى. سونداي-اق، قر پارلامەنتى ءماجىلىسىنىڭ VI شاقىرىلىمىنىڭ دەپۋتاتى، كەيىن وقۋ-اعارتۋ مينيسترلىگىنىڭ مەكتەپكە دەيىنگى ءبىلىم دەپارتامەنتىنىڭ باسشىسى بولدى.
