QR Oqý-aǵartý birinshi vıe-mınıstri Natalıa Jumadildaeva ómirden ótti. Qaraly habardy Oqý-aǵartý mınıstri Ǵanı Beısembaev óziniń áleýmettik jelidegi paraqshasynda jetkizdi, dep habarlaıdy "Adyrna" ulttyq portaly.
"Búgin áriptesimiz, QR Oqý-aǵartý birinshi vıe-mınıstri Natalıa Jumadildaevanyń ómirden ozǵany týraly qaraly habardy estip, qabyrǵamyz qaıysyp otyr. Ol bilim júıesin jetildirýge jáne balalardyń sapaly bilim alýyna qolaıly jaǵdaı jasaýǵa erekshe úles qosty. Orny tolmas ókinish. Marqumnyń jaqyndaryna qaıǵyryp kóńil aıtamyn", – dep jazdy mınıstr.
Natalıa Jumadildaeva eńbek jolyn bastaýysh synyp muǵalimi bolyp bastap, ár jyldary mektep dırektory, Qyzylorda qalalyq bilim bóliminiń basshysynyń orynbasary qyzmetterin atqardy. Sondaı-aq, QR Parlamenti Májilisiniń VI shaqyrylymynyń depýtaty, keıin Oqý-aǵartý mınıstrliginiń Mektepke deıingi bilim departamentiniń basshysy boldy.
