الەۋمەتتىك جەلىدەگى اقپاراتتا "مانياك پايدا بولدى" دەگەن اقپارات تارادى، دەپ حابارلايدى "ادىرنا" ۇلتتىق پورتالى YK-news.kz اقپارات پورتالىنا سىلتەمە جاساپ.
اقپارات بويىنشا "ادام ءولتىرۋشى وسكەمەن قالاسىندا" دەپ كورسەتىلگەن.
تاراعان اقپاراتتا"سوڭعى كۇندەرى بىرنەشە ادامنىڭ دەنەسى تابىلدى. ولاردىڭ بارلىعى – ايەلدەر" دەپ كورسەتىلگەن. شقو پوليتسياسى اقپاراتتىڭ جالعان ەكەنىن حابارلاپ، تۇرعىنداردى الاڭداماۋعا شاقىردى.
ال ەل ىشىندە تاراعان بۇل اقپاراتقا وسكەمەندەگى ساياجايلاردىڭ ءبىرىنىڭ شەتىنەن 45-50 جاس ارالىعىنداعى بەلگىسىز ايەلدىڭ ءمايىتى تابىلعاندىعى سەبەپ بولعان.
"تاراتىلىپ جاتقان اقپارات شىندىققا جاناسپايدى. حالىققا بۇقارالىق اقپارات قۇرالدارىن نەمەسە اقپاراتتىق-كوممۋنيكاتسيالىق جەلىلەردى پايدالانا وتىرىپ، كورىنەۋ جالعان اقپارات تاراتقانى ءۇشىن جاۋاپكەرشىلىك قاراستىرىلعاندىعىن ەسكەرتەمىز. تەك رەسمي اقپارات كوزدەرىنە سەنىڭىزدەر", - دەپ حابارلادى شقو پوليتسيا دەپارتامەنتىنەن.
ۇقساس جاڭالىقتار
