الەۋمەتتىك جەلىلەردە وزدەرىن «كوممۋنيستەردىڭ قازاقستاندىق سەرىكتەستىگى» دەپ تانىستىراتىن توپتى تەكسەرۋ ۇسىنىلدى، دەپ حابارلايدى "ادىرنا" ۇلتتىق پورتالى "Arasha" سايتىنا سىلتەمە جاساپ.
«كراسنايا يۋرتا – قىزىل وتاۋ» (red.yurt) اتتى توپ استاناداعى اشارشىلىق قۇرباندارىنا تاعزىم ەسكەرتكىشىندەگى جازۋدىڭ وزگەرتىلۋىن «جەڭىس» رەتىندە جاريالاعان.
تاريحشى رۋسلان تۇسىپبەكوۆ «اشارشىلىق» ءسوزىنىڭ ورىسشاعا «گولودومور» دەپ اۋدارىلۋى ءتيىس ەكەنىن، ويتكەنى بۇل – ساياسي تەرمين، قولدان جاسالعان قىلمىس ەكەنىن اتاپ ءوتتى. ونىڭ ايتۋىنشا، «گولود» تابيعي جاعدايدان تۋعان اشتىقتى بىلدىرەدى، ال «گولودومور» – كەڭەس بيلىگىنىڭ قاساقانا جاساعان گەنوتسيدى.
سونىمەن قاتار، red.yurt پاراقشاسىندا الاش قايراتكەرلەرىنە ءتىل تيگىزىپ، پرەزيدەنتتىڭ رەسمي مالىمدەمەلەرىن بۇرمالاعان جازبالار دا جاريالانعان. ساراپشىلاردىڭ ايتۋىنشا، مۇنداي كونتەنت قوعامدى ارانداتۋعا باعىتتالعان.
وسىعان بايلانىستى اتالعان توپتى قۇزىرلى ورگاندارمەن تەكسەرۋ ۇسىنىلدى.
ەسكە سالا كەتەيىك، جاقىندا استاناداعى اشارشىلىق قۇرباندارىنا ارنالعان ەسكەرتكىش تاقتاداعى «گولودومور» ءسوزى «گولود» دەپ وزگەرتىلگەنى ەدى.
سونداي-اق، ءدال سول ەسكەرتكىشكە بوياۋ جاققان ايەل 196 مىڭ تەڭگە ايىپپۇل اراقالاعانى ايتىلعان بولاتىن.
