ۇكىمەت 2026 جىلى ۇلتتىق قوردان الىناتىن نىسانالى ترانسفەرت كولەمىن قاتاڭ شەكتەۋگە نيەتتى. ول كەپىلدەندىرىلگەن ترانسفەرتتتىڭ 30 پايىزىنا اسپاۋى ءتيىس. بۇل تۋرالى ۇلتتىق ەكونوميكا ۆيتسە-ءمينيسترى ازامات ءامرين جاڭا سالىق كودەكسى تالقىلاعان دوڭگەلەك ۇستەل بارىسىندا مالىمدەدى, دەپ حابارلايدى “ادىرنا” ۇلتتىق پورتالى.
«ياعني، ەگەر كەپىلدەندىرىلگەن ترانسفەرت 2 ترلن تەڭگە بولسا، وندا نىسانالى ترانسفەرتتىڭ شەكتى مولشەرى 600 ملرد تەڭگەدەن اسپاۋى ءتيىس. سوندىقتان 2026-2028 جىلدارعا ارنالعان بولجامدا ۇلتتىق قوردان الىناتىن قاراجاتتىڭ ەڭ جوعارعى مولشەرىن 2,6 ترلن تەڭگە دەڭگەيىندە بەلگىلەدىك»، – دەدى ۆيتسە-مينيستر.
ازامات ءامرين نىسانالى ترانسفەرت تەك ەل ءۇشىن ستراتەگيالىق ماڭىزى بار جوبالار مەن ماڭىزدى ينفراقۇرىلىمعا جۇمسالاتىنىن ايتتى.
ايتا كەتسەك، ۇلتتىق قوردا قازىر 32,65 ترلن تەڭگە جيناقتالعان. 2025 جىل باسىندا ءبىر ايدا قورداعى قارجى 402 ملرد تەڭگەگە ازايعان.
