اقمولا وبلىسىندا حالىق ءارتىسى، قازاق مادەنيەتىنىڭ اسا كورنەكتى تۇلعاسى، كومپوزيتور ءشامشى قالداياقوۆتىڭ 95 جىلدىعىنا ارنالعان «ءان اعا-ءشامشى اعا» ءداستۇرلى بايقاۋى ءوتتى.
بار عۇمىرىن ءان الەمىنە ارناعان، ارتىنان 300-گە جۋىق ءان جازىپ قالدىرعان كومپوزيتوردىڭ «قازاقستانىم» ءانى گيمنگە اينالىپ، قازىرگى تاڭدا ەلىمىزدىڭ ءاربىر جەڭىسىندە الەمنىڭ تۇكپىر تۇكپىرىندە شىرقالادى.
بايقاۋعا قاتىسقان 40-تان استام تالانتتار ءشامشىنىڭ اندەرىن كلاسسيكالىق ستيلىندە جانە ەكسپەريمەنتالدى جاڭاشىل ارانجيروۆكادا ورىنداپ، «كوكشەتاۋ» مادەنيەت سارايىندا وتكەن قورىتىندى گالا كونتسەرتتە وزدەرىنىڭ ورىنداۋشىلىق شەبەرلىكتەرىن پاش ەتتى. اسەم سازدى سىرشىل ءشامشى اندەرىن ورىنداۋشى ونەرپازدار كورەرمەن قوشەمەتىنە بولەندى.
قازىلار القاسىنىڭ شەشىمىمەن باس جۇلدە يەگەرى قوسشى قالاسىنان قاتىسقان باقبەرگەن جەڭىس اتاندى.
- جۇلدەلى ءى ورىندى تسەلينوگراد اۋدانىنىڭ “دوستار” ۆوكالدىق توبى يەلەندى.
- جۇلدەلى ءىى ورىنعا ارشالى اۋدانىنان ايگەرىم احمەتوۆا يە بولسا،
- ايدا ابىلقاسىم (كوكشەتاۋ قالاسى) ءىىى ورىندى مىسە تۇتتى.
سونىمەن قاتار، قاتىسۋشىلار اراسىندا شورتاندى اۋدانىنىڭ ونەرپازى ايبات ماراتوۆ «ۇزدىك ارانجيروۆكا» نوميناتسياسىنىڭ جەڭىمپازى اتاندى.
ال «سيرەك ورىندالاتىن ءان» نوميناتسياسىنىڭ جەڭىمپازى - گۇلنازيا بەيسەنوۆا (بۇلاندى اۋدانى).
بايقاۋ جەڭىمپازدارى مەن قاتىسۋشىلارى ديپلوم جانە باعالى سىيلىقتارمەن ماراپاتتالدى.
كەش قوناعى قازاقستان ەستراداسىنىڭ جارىق جۇلدىزى، قازاقستاننىڭ ەڭبەك سىڭىرگەن قايراتكەرى مارجان اراپباەۆا ونەر سۇيەر قاۋىمعا تاماشا كوڭىل-كۇي سىيلادى.