شىعىس قازاقستاندا 12 ۆاگون رەلستەن شىعىپ كەتتى. بۇل تۋرلى altaynews.kz سايتى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، بۇگىن تاڭەرتەڭ "بۇقتىرما-زاۆودينكا" تەمىر جولىنىڭ ۋچاسكەسىندە جۇك پويىزىنىڭ 12 ۆاگونىنىڭ دوڭگەلەك جۇپتارى رەلستەن شىعىپ كەتكەن، بىراق اۋدارىلماعان. قازا بولعاندار مەن زارداپ شەككەندەر جوق.
سونداي-اق، التاي اۋدانى مەن شىعىس قازاقستان وبلىسىنىڭ بيلىگى جاعدايدى باقىلاۋعا الىپ، شۇعىل ارەكەت ەتۋ قىزمەتتەرى دەرەۋ جۇمىلدىرىلدى.
وقيعانىڭ ەگجەي-تەگجەيلەرى ناقتىلانادى. جۇك پويىزى كەن جانە كومىر تاسىمالداعان.
