ۋكراينا قارۋلى كۇشتەرى ليمانعا جەتتى، دەپ حابارلايدى ادىرنا ۇلتتىق پورتالى.
لۋگانسك وبلىسىنداعى اسكەري-ازاماتتىق اكىمشىلىكتىڭ جەتەكشىسى سەرگەي گايدايدىڭ حابارلاۋىنشا، ليمان ماڭىنداعى وزەكتە 5000-نان استام رەسەي جاۋىنگەرى قۇرساۋعا تۇسكەن. ولار ءوز كومانديرلەرىنە شەگىنۋ قاجەت ەكەندىگىن ايتقان، بىراق بۇل ۇسىنىستارى قابىلدانباعان.
وسىدان بىرنەشە كۇن بۇرىن باتىس ساراپشىلارى ۋكراينا قارۋلى كۇشتەرى ءۇشىن دونەتسك وبلىسىنداعى ليماندى قورشاۋ اسا ماڭىزدى ەكەندىگىن بولجاعان ەدى. بۇل ارەكەت ارقىلى ۋكراينالىقتار باسقىنشىلاردىڭ جولىن جاۋىپ، سەۆەرودونەتسكا-ليسيچانسك اۋدانىن ازات ەتۋدى كوزدەگەن.
"ۋنيiان" پورتالىنىڭ حابارلاۋىنشا، قازىر ۋكراين جاۋىنگەرلەرى قارۋ كەزەنىپ، جۇرەتىن جولدى ءوز باقىلاۋىندا ۇستاپ وتىر.
"ازات ەتۋشىلەر جولدى تورىپ، اتىس جۇرگىزۋگە دايىن وتىر. بۇدان رەسەي اسكەرىنىڭ سىتىلىپ شىعۋى ەكىتالاي", - دەپ جازدى اگەنتتىك.
"ادىرنا" ۇلتتىق پورتالى
