پۋتين: ۋكراينا ناتو-عا كىرسە، 7 مينۋتتا ماسكەۋگە زىمىراندار جەتەدى

6326
Adyrna.kz Telegram

ۋكراينا ناتو-عا كىرسە حاركوۆتان نەمەسە دنەپردەن ماسكەۋگە زىمىرانداردىڭ ۇشۋ ۋاقىتى 7-10 مينۋتقا دەيىن قىسقارادى. بۇل تۋرالى رەسەي پرەزيدەنتى ۆلاديمير پۋتين ايتتى. ءپۋتيننىڭ ويىنشا بۇل رەسەي ءۇشىن اسا قاۋىپتى. 

ول ۋكراينانىڭ ناتو قۇرامىنا ەنۋى تۋرالى كەلىسسوزدەردى «اڭگىمە-دۇكەن» دەپ سانامايتىنىن باسا ايتتى. رەسەي پرەزيدەنتىنىڭ ويىنشا ۋكراينا حالقىنىڭ تەڭ جارتىسى ناتو قۇرامىنا ەنۋدى ويلامايدى. ولاردى پۋتين "اقىلدى ادامدار" دەپ سانايدى.

سونىمەن قاتار، پۋتين ۋكراينانىڭ ناتو قۇرامىنا ەنۋىنە قاتىستى كيەۆ پەن باتىس اراسىنداعى كەلىسىمدەر تۋرالى ماسكەۋ حاباردار ەمەس ەكەنىن اتاپ ءوتتى. ول باتىستىق سەرىكتەستەر ءتىپتى رەسەيمەن جاقسى قارىم-قاتىناس كەزەڭىندە دە ناتو-نى كەڭەيتۋ ماسەلەسىندە ماسكەۋمەن اقىلداسپاعانىن جەتكىزدى.

بۇعان دەيىن اقش مەملەكەتتىك حاتشىسى ەنتوني بلينكەن ۋكراينانىڭ ناتو-عا كىرۋ مۇمكىندىگى تۋرالى پىكىر بىلدىرگەن. ونىڭ ايتۋىنشا، كيەۆتە ەلدى وداققا باستايتىن جولمەن ءجۇرۋ ءۇشىن بارلىق قاجەتتى قۇرالدار بار. بلينكەن ۋكراينانىڭ ارەكەتىن «بولاشاق مۇشەلىككە دايىندىق» دەپ باعالاعان ەدى.

"ادىرنا" ۇلتتىق پورتالى

پىكىرلەر