رەسپۋبليكالىق پارتيا وكىلى كلاۋديا تەنني اقش-تىڭ پرەزيدەنتى دونالد ترامپتىڭ تۋعان كۇنى – 14 ماۋسىمدى مەملەكەتتىك مەرەكە رەتىندە بەلگىلەۋدى ۇسىندى، دەپ حابارلايدى "ادىرنا" ۇلتتىق پورتالى The Guardian-عا سىلتەمە جاساپ.
ول بۇل كۇندى اقش تۋى كۇنىمەن بىرىكتىرۋدى ءجون سانايدى.
بۇل باستامانىڭ كونگرەستە قولداۋ تابۋى ەكىتالاي، دەگەنمەن ساراپشىلار ونى ترامپتىڭ سەنىمىنە يە بولۋ ماقساتىندا جاسالعان قادام دەپ باعالاۋدا.
نيۋ-يورك شتاتىنداعى فينگەر-لەيكس ايماعىنىڭ وكىلى كلاۋديا تەنني ترامپتى "زاماناۋي امەريكا تاريحىنداعى ەڭ ماڭىزدى تۇلعا" دەپ اتادى. ونىڭ پىكىرىنشە، ترامپتىڭ تۋعان كۇنى دجوردج ۆاشينگتوننىڭ تۋعان كۇنى سەكىلدى فەدەرالدى مەرەكە مارتەبەسىنە لايىق.
الايدا بۇل ۇسىنىس الەۋمەتتىك جەلىلەردە قىزۋ تالقىلانىپ، سىنعا ۇشىرادى. X (بۇرىنعى Twitter) قولدانۋشىلارى "بۇل ازىق-تۇلىك باعاسىن تومەندەتەدى دەپ ويلايسىز با؟" نەمەسە ء"وز سايلاۋشىلارىڭىز ءۇشىن ماڭىزدى ىستەرمەن اينالىسىڭىز!" دەگەن پىكىرلەر قالدىرعان.
بۇل باستاما رەسپۋبليكاشىلدار باقىلاۋىنداعى كونگرەستە قولداۋ تابۋى مۇمكىن. الايدا، زاڭنىڭ قابىلدانۋى ءۇشىن دەموكراتتاردىڭ دا داۋىسى قاجەت بولادى.
ايتا كەتەيىك، بۇعان دەيىن كونگرەسسمەن ەدديسون ماكداۋەلل ۆاشينگتونداعى حالىقارالىق اۋەجايدىڭ اتاۋىن ترامپتىڭ قۇرمەتىنە وزگەرتۋ تۋرالى ۇسىنىس جاساسا، اننا پاۋلينا لۋنا ترامپتىڭ بەينەسىن راشمور تاۋىنا قاشاۋ يدەياسىن كوتەرگەن بولاتىن.
