17 اقپاندا كاسپي قۇبىر كونسورتسيۋمىنىڭ مۇناي تاسىمالداۋ نىسانى “كروپوتكينسكايا” مۇناي ايداۋ ستانساسى جەتى ۇشقىشسىز ۇشۋ اپپاراتىنىڭ (ۇۇا) شابۋىلىنا ۇشىرادى. بۇل تۋرالى كاسپي قۇبىر كونسورتسيۋمىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«2025 جىلدىڭ 17 اقپانىندا كاسپي قۇبىر كونسورتسيۋمىنىڭ مۇناي تاسىمالداۋ نىسانى “كروپوتكينسكايا” مۇناي ايداۋ ستانساسىنا ۇشقىشسىز ۇشاق شابۋىل جاسادى. تەرروريستىك سوققى جەتى ۇشقىشسىز ۇشۋ اپپاراتىمەن جاسالدى، ولاردا جارىلعىش زاتتارمەن قاتار مەتاللدان جاسالعان زاقىمداۋشى ەلەمەنتتەر بولدى. شابۋىل ۋاقىت بويىنشا ارالىقپەن جاسالىپ، وبەكتىنىڭ جۇمىسىن بۇزۋ عانا ەمەس، ستانتسيانىڭ قىزمەتكەرلەرى اراسىندا قۇرباندىقتارعا اكەلۋ ماقساتىندا ۇيىمداستىرىلدى»، — دەلىنگەن حابارلامادا.
قىزمەتكەرلەر اراسىندا زارداپ شەككەندەر جوق. كونسورتسيۋم قىزمەتكەرلەرىنىڭ ارەكەتى ارقاسىندا مۇنايدىڭ توگىلۋى الدىن الىندى.
زارداپتى باعالاۋ جانە ستانتسيانىڭ جۇمىس قابىلەتتىلىگىن قالپىنا كەلتىرۋ شارالارىن قابىلداۋ ءۇشىن كومپانيا باسشىلارى، ونىڭ ىشىندە باس ديرەكتور نيكولاي گوربان جەتەكشىلىك ەتەتىن توپ وقيعا ورنىنا اتتاندى. قازىرگى ۋاقىتتا “كروپوتكينسكايا” مۇناي ايداۋ ستانساسى ىستەن شىعارىلدى، مۇناي ايداۋ رەجيمدەرى تومەندەتىلگەن تەڭىز-نوۆوروسسيسك قۇبىر جۇيەسى ارقىلى مۇناي ايداۋ ستانساسىن اينالىپ وتۋدە.
«كاۆكاز وڭىرىندەگى كراسنودار ولكەسىندە ورنالاسقان «كروپوتكينسكايا» مۇناي ايداۋ ستانساسى كتك-نىڭ رەسەي اۋماعىنداعى ەڭ ءىرى مۇناي تاسىمالداۋ ستانتسياسى. حالىقارالىق كونسورتسيۋمنىڭ بارلىق اكتسيونەرلەرى، ونىڭ ىشىندە اقش جانە ەۋروپا ەلدەرىنەن كەلگەن كومپانيا وكىلدەرى ۇشقىشسىز ۇشاقپەن ازاماتتىق نىسانعا جاسالعان تەرروريستىك شابۋىل جانە ونىڭ ناتيجەلەرى تۋرالى حاباردار ەتىلدى»، — دەپ اتاپ ءوتتى كتك باسشىلىعى.
