يزرايل يران استاناسى تەگەرانعا اۋەدەن سوققى بەرىپ، قالانىڭ سولتۇستىگىندەگى مۇناي قويماسى مەن وڭتۇستىگىندەگى وتىن ساقتاۋ بازاسىنا زاقىم كەلتىردى، دەپ حابارلايدى “ادىرنا” ۇلتتىق پورتالى IRNA اگەنتتىگىنە سىلتەپ.
اگەنتتىك مالىمەتىنشە، شاحران اۋدانىنداعى مۇناي قويماسى مەن قالانىڭ وڭتۇستىگىندەگى وتىن رەزەرۆۋارىنا «سيونيستىك رەجيمنىڭ» شابۋىلى جاسالعان. قازىر جاعداي باقىلاۋدا.
بۇعان دەيىن تەگەران تۇرعىندارى قالادا جارىلىستاردىڭ قاتتى داۋىسىن ەستىگەنى حابارلانعان ەدى.
سونىمەن قاتار، يران دا ءيزرايلدىڭ حايفا قالاسىنداعى مۇناي وڭدەۋ زاۋىتىنا جاۋاپ رەتىندە شابۋىل جاساپ، وندا دا جويقىن جارىلىستار بولعانى ايتىلعان.
ەسكە سالايىق، سوڭعى كۇندەرى يران مەن يزرايل اراسىندا قارۋلى شيەلەنىس ۋشىعىپ، ەكى تاراپ ءبىر-ءبىرىنىڭ ستراتەگيالىق نىساندارىنا سوققى جاساۋدا.
ۇقساس جاڭالىقتار
