17 aqpanda Kaspii qūbyr konsorsiumynyŋ mūnai tasymaldau nysany “Kropotkinskaia” mūnai aidau stansasy jetı ūşqyşsyz ūşu apparatynyŋ (ŪŪA) şabuylyna ūşyrady. Būl turaly Kaspii qūbyr konsorsiumynyŋ baspasöz qyzmetı mälımdedı, dep habarlaidy “Adyrna” ūlttyq portaly.
«2025 jyldyŋ 17 aqpanynda Kaspii qūbyr konsorsiumynyŋ mūnai tasymaldau nysany “Kropotkinskaia” mūnai aidau stansasyna ūşqyşsyz ūşaq şabuyl jasady. Terroristık soqqy jetı ūşqyşsyz ūşu apparatymen jasaldy, olarda jarylǧyş zattarmen qatar metalldan jasalǧan zaqymdauşy elementter boldy. Şabuyl uaqyt boiynşa aralyqpen jasalyp, obektınıŋ jūmysyn būzu ǧana emes, stansiianyŋ qyzmetkerlerı arasynda qūrbandyqtarǧa äkelu maqsatynda ūiymdastyryldy», — delıngen habarlamada.
Qyzmetkerler arasynda zardap şekkender joq. Konsorsium qyzmetkerlerınıŋ äreketı arqasynda mūnaidyŋ tögıluı aldyn alyndy.
Zardapty baǧalau jäne stansiianyŋ jūmys qabılettılıgın qalpyna keltıru şaralaryn qabyldau üşın kompaniia basşylary, onyŋ ışınde bas direktor Nikolai Gorban jetekşılık etetın top oqiǧa ornyna attandy. Qazırgı uaqytta “Kropotkinskaia” mūnai aidau stansasy ısten şyǧaryldy, mūnai aidau rejimderı tömendetılgen Teŋız-Novorossiisk qūbyr jüiesı arqyly mūnai aidau stansasyn ainalyp ötude.
«Kavkaz öŋırındegı Krasnodar ölkesınde ornalasqan «Kropotkinskaia» mūnai aidau stansasy KTK-nyŋ Resei aumaǧyndaǧy eŋ ırı mūnai tasymaldau stansiiasy. Halyqaralyq konsorsiumnyŋ barlyq aksionerlerı, onyŋ ışınde AQŞ jäne Europa elderınen kelgen kompaniia ökılderı ūşqyşsyz ūşaqpen azamattyq nysanǧa jasalǧan terroristık şabuyl jäne onyŋ nätijelerı turaly habardar etıldı», — dep atap öttı KTK basşylyǧy.
