اق ءۇيدىڭ ۇلتتىق قاۋىپسىزدىك كەڭەسىنىڭ ءباسپاسوز حاتشىسى برايان حيۋز ۋكراينانىڭ اقش-پەن سيرەك كەزدەسەتىن مينەرالدار جونىندەگى كەلىسىمدى قابىلداماۋىنا قاتىستى مالىمدەمە جاسامادى، دەپ حابارلايدى «ادىرنا» ءتىلشىسى.
«پرەزيدەنت زەلەنسكي ترامپ اكىمشىلىگىنىڭ ۋكرايناعا بەرگەن كەرەمەت مۇمكىندىگىنە سەلقوستىق تانىتتى»،— دەدى اق ءۇي وكىلى.
ايتۋىنشا، بۇل كەلىسىم ۋكراينا ەكونوميكاسىنىڭ وسۋىنە ىقپال ەتەدى.
ەسكە سالايىق، ۆلاديمير زەلەنسكيدىڭ اقش ۇسىنعان ۋكراينانىڭ پايدالى قازبالارىنىڭ 50%-ىنا قۇقىق بەرەتىن كەلىسىمگە قول قويۋدان باس تارتقانى بەلگىلى بولدى.
«مەن مينيسترلەرگە بۇل كەلىسىمگە قول قويۋعا رۇقسات بەرگەن جوقپىن، ويتكەنى مەنىڭ ويىمشا، ول ءبىزدى جانە ءبىزدىڭ مۇددەلەرىمىزدى قورعاۋعا دايىن ەمەس»،— دەدى ول سەنبى كۇنى ميۋنحەندە The Associated Press اگەنتتىگىنە.
