اقش بيلىگى ەلدەن شىعۋ تۋرالى سوت شەشىمىنە باعىنباي جۇرگەن شەتەلدىك ازاماتتارعا، سونىڭ ىشىندە قازاقستاندىقتارعا، ءوز ەركىمەن ەلگە ورالۋعا مۇمكىندىك بەرىپ وتىر، دەپ حابارلايدى “ادىرنا” ۇلتتىق پورتالى.
مالىمەتكە سايكەس، زاڭسىز جۇرگەن ازاماتتار «CBP Home» ءموبيلدى قوسىمشاسى ارقىلى ءوز ەركىمەن جانە قاۋىپسىز تۇردە قازاقستانعا قايتۋعا ءوتىنىم بەرە الادى. بۇل رەتتە ولار قاماۋعا الىنبايدى، ءماجبۇرلى دەپورتاتسياعا ۇشىرامايدى، جانە تاپقان قاراجاتى وزدەرىندە قالادى.
سونداي-اق، قايتۋ بيلەتىن ساتىپ الۋعا مۇمكىندىگى جوق ازاماتتارعا قارجىلاي سۋبسيديا ۇسىنىلادى. ەڭ باستىسى — بۇل مۇمكىندىك بولاشاقتا اقش-قا زاڭدى تۇردە قايتا كىرۋگە كەدەرگى كەلتىرمەيدى.
الايدا، ءوز ەركىمەن ەلگە ورالماعاندارعا قاتاڭ شارالار قولدانىلادى. اتاپ ايتقاندا، ولار تاۋلىگىنە 998 اقش دوللارى كولەمىندە ايىپپۇل تولەيدى. بۇل ايىپپۇل سوت شەشىمى بەس جىل بۇرىن شىققان ازاماتتارعا قاتىستى قولدانىلادى.
بۇدان بولەك، «CBP Home» قوسىمشاسى ارقىلى قايتاتىنىن مالىمدەپ، بىراق ەلگە ورالماعاندارعا 1000-5000 دوللار ارالىعىندا قوسىمشا ايىپپۇل سالىنىپ، اقش-قا قايتا كىرۋگە تىيىم سالىنادى.
