ميۋنحەندە Mini Cooper ەرەۋىلگە شىققان جۇمىسشىلار توبىن قاعىپ، 28 ادام زارداپ شەكتى، دەپ حابارلايدى "ادىرنا" ۇلتتىق پورتالى ۆۆس-گە سىلتەپ.
"20 ادام جاراقات الدى، كەيبىرىنىڭ جاعدايى اۋىر", — دەلىنگەن ماتەريالدا.
جەرگىلىكتى باق Mini Cooper-ءدىڭ ەرەۋىلگە شىققان جۇمىسشىلار توبىن قاققانىن جانە وقيعا ورنىنا جەدەل جاردەم كولىكتەرىنىڭ جەتكەنىن حابارلادى.
ميۋنحەن پوليتسيا دەپارتامەنتى ادامداردى قاققان كولىك جۇرگىزۋشىسىنىڭ ۇستالعانىن حابارلادى. ول 24 جاستاعى اۋعان ازاماتى ەكەنى انىقتالدى.
"پوليتسيا كولىگىنىڭ ارتىندا كەلە جاتقان كولىك كولونناعا جاقىندادى. سودان كەيىن وزا ءتۇسىپ، جىلدامدىعىن ارتتىرىپ، نارازىلىق بىلدىرۋشىلەر كولونناسىنىڭ ارتقى جاعىنا جەتتى. پوليتسيا شابۋىلداۋشىنى ۇستادى. اۆتوكولىككە ءبىر وق اتىلدى. شابۋىل جاساعان ادام قاماۋعا الىندى. قازىرگى ۋاقىتتا كەم دەگەندە 28 ادام جاراقات العان، ولاردىڭ كەيبىرىنىڭ جاعدايى اۋىر", — دەدى پوليتسيا وكىلى.
قازىرگى تاڭدا زارداپ شەككەندەردىڭ ناقتى سانى انىقتالىپ جاتىر. كۇدىككە ىلىنگەن جۇرگىزۋشى پانا ىزدەۋشى مارتەبەسىنە يە بولعان.
