اقمولا وبلىسىندا جەڭىل اۆتوكولىك ءۇش جول جۇمىسشىسىن قاعىپ، ءبىر ادام كوز جۇمدى، دەپ حابارلايدى “ادىرنا”.
وقيعا 23 قازاندا استانا – اتباسار – جاقسى اۆتوجولىنىڭ 163-شاقىرىمىندا بولعان.
پوليتسيانىڭ مالىمەتىنشە، Chery Arrizo 8 كولىگىنىڭ جۇرگىزۋشىسى جولدىڭ ءجۇرىس بولىگىندە جۇمىس ىستەپ جۇرگەن ءۇش ادامدى قاعىپ كەتكەن. جۇمىسشىلاردىڭ ەشقايسىسى جارىق شاعىلىستىراتىن كەۋدەشە كيمەگەن.
جول-كولىك وقيعاسى سالدارىنان ءبىر جۇمىسشى وقيعا ورنىندا كوز جۇمدى. تاعى ەكى ادام مەديتسينالىق مەكەمەگە جەتكىزىلدى.
قازىر اتالعان دەرەك بويىنشا تەرگەۋ جۇرگىزىلىپ جاتىر.
ۇقساس جاڭالىقتار
