Mıýnhende Mini Cooper ereýilge shyqqan jumysshylar tobyn qaǵyp, 28 adam zardap shekti, dep habarlaıdy "Adyrna" ulttyq portaly VVS-ge siltep.
"20 adam jaraqat aldy, keıbiriniń jaǵdaıy aýyr", — delingen materıalda.
Jergilikti BAQ Mini Cooper-diń ereýilge shyqqan jumysshylar tobyn qaqqanyn jáne oqıǵa ornyna jedel járdem kólikteriniń jetkenin habarlady.
Mıýnhen polıııa departamenti adamdardy qaqqan kólik júrgizýshisiniń ustalǵanyn habarlady. Ol 24 jastaǵy aýǵan azamaty ekeni anyqtaldy.
"Polıııa kóliginiń artynda kele jatqan kólik kolonnaǵa jaqyndady. Sodan keıin oza túsip, jyldamdyǵyn arttyryp, narazylyq bildirýshiler kolonnasynyń artqy jaǵyna jetti. Polıııa shabýyldaýshyny ustady. Avtokólikke bir oq atyldy. Shabýyl jasaǵan adam qamaýǵa alyndy. Qazirgi ýaqytta kem degende 28 adam jaraqat alǵan, olardyń keıbiriniń jaǵdaıy aýyr", — dedi polıııa ókili.
Qazirgi tańda zardap shekkenderdiń naqty sany anyqtalyp jatyr. Kúdikke ilingen júrgizýshi pana izdeýshi mártebesine ıe bolǵan.
