جۋرناليست ەگەۋباەۆا دينارانىڭ كولىگىن ورتەپ، «ەل مەديا» رەداكتسياسىنىڭ كىرەبەرىس ەسىگىنىڭ تەرەزەلەرىن سىندىردى دەگەن كۇدىكپەن بەس ادام ۇستالدى. بۇل تۋرالى پوليتسيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
“جەدەل بولىمشەنىڭ قىزمەتكەرلەرى بىرقاتار قىلمىستاردى جاسادى دەگەن كۇدىكپەن 2005, 2006 جانە 2007 جىلى تۋعان بەس كامەلەتكە تولماعان جاستاردى ۇستادى.
سوتتالۋشىلاردىڭ ايعاقتارىنا قاراعاندا، ولار ەكى بۇيرىقتى دا ينتەرنەت ارقىلى بەلگىسىز بىرەۋدەن العان. ءدال وسىلاي تاپسىرىس بەرۋشى ولارعا «جۇمىس» ءۇشىن اقشا تولەگەن. قازىرگى ۋاقىتتا كۇدىكتىلەرگە قاتىستى بۇلتارتپاۋ شاراسىن تاڭداۋ ماسەلەسى شەشىلۋدە. تەرگەۋ جالعاسۋدا. بۇل رەتتە تاپسىرىس بەرۋشىنىڭ جەكە باسىن انىقتاۋعا جانە ونى ۇستاۋعا باعىتتالعان كەشەندى جەدەل ءىس-شارالار جۇرگىزىلۋدە”، دەلىنگەن حابارلامادا.
ايتا كەتەيىك، بارلىق فاكتىلەر بويىنشا قوسىمشا اقپارات تەرگەۋ تولىق اياقتالعاننان كەيىن جاريالانادى.
تەرگەۋ بارىسى قازاقستان رەسپۋبليكاسى ىشكى ىستەر مينيسترلىگى مەن الماتى قالالىق پوليتسيا دەپارتامەنتى باسشىلىعىنىڭ باقىلاۋىندا.
