الماتىدا 25 قاراشا كۇنى تاڭەرتەڭ ءال-فارابي داڭعىلىندا ءىرى جول-كولىك وقيعاسى بولدى، دەپ حابارلايدى "ادىرنا" ۇلتتىق پورتالى.
كۋاگەرلەر جول اپاتى ورنىنان فوتو مەن ۆيدەو جولداپ، ءۇش اۆتوكولىك سوقتىعىسقانىن، سونىڭ ءبىرى وتقا ورانعانىن حابارلادى.
جەلىدە تاراعانا فوتو-ۆيدەودان اپاتتان كەيىن داڭعىلدا ۇلكەن كەپتەلىس پايدا بولعانىن كورۋگە بولادى.
الماتى قالالىق پوليتسيا دەپارتامەنتىنىڭ مالىمەتىنشە، جول-كولىك وقيعاسى ساعات 07:00 شاماسىندا بوستاندىق اۋدانىندا تىركەلگەن.
«Toyota اۆتوكولىگىنىڭ جۇرگىزۋشىسى ءال-فارابي داڭعىلىمەن ءجۇرىپ كەلە جاتىپ، قارسى جولاققا شىعىپ كەتىپ، Lexus كولىگىمەن سوقتىعىسقان. ارتىنشا وسى سوقتىعىسقا بايلانىستى جول جيەگىندە تۇرعان Lexus-قا Hyundai كەلىپ سوعىلعان»، – دەلىنگەن حابارلامادا.
سوققىدان كەيىن Toyota كولىگى ورتەنىپ كەتكەن. ادام شىعىنى تۋرالى اقپارات تارامادى.
