Google كومپانياسى ءوزىنىڭ «كارتالار» (Google Maps) قوسىمشاسىندا «مەكسيكا شىعاناعى» اتاۋىن «امەريكا شىعاناعى» دەپ وزگەرتتى، دەپ حابارلايدى "ادىرنا" ۇلتتىق پورتالى.
كومپانيا بۇل وزگەرىس اقش پرەزيدەنتى دونالد ترامپتىڭ جارلىعىنا سايكەس ەنگىزىلگەنىن حابارلادى.
رەسمي مالىمدەمەدە «كارتالار» قوسىمشاسىنداعى «مەكسيكا شىعاناعى» اتاۋى گەوگرافيالىق اتاۋلار جۇيەسىن جاڭارتۋ ناتيجەسىندە وزگەرتىلگەنى ايتىلعان.
«ءبىز ەكى اپتا بۇرىن حابارلاعانىمىزداي، وسى جاڭارتۋعا بايلانىستى وزگەرىستەر ەنگىزۋدى باستادىق»، – دەلىنگەن مالىمدەمەدە.
ايتا كەتۋ كەرەك، اقش-تاعى «كارتالار» قولدانۋشىلارى ەندى «امەريكا شىعاناعى» اتاۋىن كورسە، مەكسيكادا بۇرىنعى «مەكسيكا شىعاناعى» اتاۋى ساقتالادى. ال باسقا ەلدەردە ەكى اتاۋ قاتار كورسەتىلمەك.
كارتوگرافيالىق قىزمەتتە جاڭا اتاۋ قازىردىڭ وزىندە ەنگىزىلگەن.
ەسكە سالا كەتەيىك، دونالد ترامپ مەكسيكا شىعاناعىن امەريكا شىعاناعى دەپ قايتا اتاۋدى 20 قاڭتارداعى ۇلىقتاۋ راسىمىندە مالىمدەگەن ەدى. سول كۇنى ترامپ اق ۇيدە شىعاناقتىڭ اتاۋىن رەسمي تۇردە وزگەرتۋ تۋرالى جارلىققا قول قويدى. مەكسيكا شىعاناقتىڭ اتاۋى بۇكىل الەمدە مويىندالعان جانە جۇزدەگەن جىلدار بويى تەڭىزدىك ناۆيگاتسيانىڭ ماڭىزدى نۇسقاۋى رەتىندە قولدانىلىپ كەلە جاتقانى تۋرالى ايتقان ەدى.
